Partııa • 10 Qyrkúıek, 2025

JSDP: Bir palataly Parlamentke kóshý – demokratııa jolyndaǵy sheshýshi qadam

130 ret
kórsetildi
1 mın
oqý úshin

Jalpyulttyq sosıal-demokratııalyq partııa (JSDP) Prezıdent Qasym-Jomart Toqaevtyń Joldaýynda jarııalanǵan bastamalarǵa qatysty resmı málimdeme jasady, dep jazady Egemen.kz.

JSDP: Bir palataly Parlamentke kóshý – demokratııa jolyndaǵy sheshýshi qadam

Partııa Memleket basshysynyń sıfrlyq tehnologııalar men jasandy ıntellekt negizinde Qazaqstandy jan-jaqty damytý qaǵıdattaryn tolyq qoldaıtynyn atap ótti. Ásirese Prezıdenttiń memlekettik basqarý júıesin jańa tehnologııalyq tártipke saı qaıta qurylymdaý týraly tezısiniń mańyzdylyǵy erekshe kórsetildi.

JSDP málimdemesinde Prezıdenttiń Parlament Senatyn taratyp, bir palataly júıege kóshý bastamasy ýaqyt talabyna saı sheshim ekeni aıtyldy.

«Bul – bizdiń partııanyń osydan 20 jyl burynǵy baǵdarlamalyq qujatynda bekitilgen basty qaǵıdalardyń biri. Ýnıtarly memlekette halyq saılaıtyn, baqylaý fýnksııalary bar bir palataly Parlament qana bolýy tıis», – delingen qujatta.

Partııa osy ýaqytqa deıingi málimdemelerinde, BAQ-taǵy jarııalanymdarynda jáne Prezıdentke joldaǵan hattarynda Senatty taratý máselesin turaqty kóterip kelgenin eske saldy.

«Senat zań shyǵarý úderisin negizsiz qıyndatyp, artyq áreketter týǵyzady. Sondyqtan bul bastamanyń júzege asýy – demokratııany kúsheıtý jolyndaǵy tarıhı qadam», – deıdi JSDP.

Sonymen qatar partııa ádiletti Qazaqstan men «estıtin memleket» qaǵıdattaryn júzege asyrýdaǵy ózge sharalarǵa qoldaý bildirdi. Onyń ishinde saılaý prosesinde ádildik pen ashyqtyqty qamtamasyz etý, ulttyq parlamenttiń jańa qurylymyna qatysty qoǵamdyq talqylaýlardy keńinen ótkizý mańyzdy ekeni atap ótildi.

«2025 jylǵy Joldaý – Qazaqstan úshin sapaly jańa joldar ashatyn baǵdarlamalyq tujyrymdardyń biregeıi. Memlekettik bastamalardy júzege asyrýda qoǵamdyq pikir estilýi tıis, bul – basty qaǵıda», – dep qorytyndylady partııa.