Krisha.kz málimetinshe, Qazaqstanda kommýnaldyq qyzmetterdi tóleý erejeleri ózgerip, jańa júıe 20 qyrkúıekten bastap kúshine enedi. Endi barlyq tólemder bir shotta biriktirilip, turǵyndarǵa yńǵaıly formatta usynylady. Elektr energııasy, sý, qoqys shyǵarý jáne ózge de qyzmetter úshin bólek túbirtekter bolmaıdy, olardyń barlyǵy biryńǵaı esep aıyrysý ortalyǵy (BEO) arqyly daıyndalatyn biryńǵaı tólem qujatyna engiziledi. Shotty elektrondy túrde jeke kabınet arqyly alýǵa bolady, al qalaǵan jaǵdaıda qaǵaz túrinde de rásimdeledi.
Barlyq tólemder aldymen BEO-nyń tranzıttik shotyna túsip, úsh kún ishinde tıisti qyzmet kórsetýshilerge aýdarylady. Bul tásil esep aıyrysýdy barynsha ashyq ári baqylaýdy qatań etýge baǵyttalǵan.
Sonymen qatar kommýnaldyq tólemderdiń biryńǵaı merzimi bekitildi. Endi ár aıdyń tólemin kelesi aıdyń 25-ine deıin óteý qajet. Buryn tólem merzimi kelisimshartqa nemese jergilikti zańnamaǵa baılanysty ártúrli bolatyn, endi bul ereje barshaǵa ortaq. Qyzmet kórsetýshiler jiberilgen qateler úshin jaýap beredi, al ákimdik tólemder men esep-qısapty tekserýge quqyly. Shaǵym qabyldaý tártibi de ózgerdi: endi aryzdar tek qol qoıylyp, foto nemese beınematerıaldarmen dáleldense ǵana qaralady.
