«Bıylǵy Joldaýda kóterilgen máselelerdiń ishinde eń mańyzdy messedj – parlamenttik reforma ekeni anyq. Árıne, Prezıdent saıası reformalardy áýeli ózinen bastady, ońtaıly ózgeristerdi júzege asyrýda ónege kórsetti. Elimizde jańa saıası mádenıet qalyptasa bastady. Sondyqtan bul – Senat spıkeri Máýlen Áshimbaev atap ótkendeı, Qasym-Jomart Kemeluly júrgizip kele jatqan Ádiletti Qazaqstan qurý bastamasynyń logıkalyq jalǵasy ispetti», – dedi Darhan Qydyráli.
Senatordyń aıtýynsha, reformalardyń pármendi jalǵasýy úshin jeke bastyń emes, ulttyq múddeni joǵary qoıý, memleketshildik tanytý qajet.
«Memleket basshysynyń bastamasyn tolyq qoldaımyz», – dep túıindedi ol.
