Áýejaı mýzeıi Alash murasyn dáripteıdi

Osydan birer jyl buryn oblystyq máslıhat depýtattary Aleksandra Ser­ǵazınova men Dınara О́tebaeva Aqań atyndaǵy áýejaıǵa alys-jaqynnan kelip jatqan sheteldik jolaýshylar Alash ardaqtysynyń kim ekeni jóninde tolymdy derek alatyndaı murajaı zaly kerek degendi aıtqan. Sabaqty ıne sá­timen degendeı, bul ıgi bastama Saı­laýbek Esjanov, Marhabat Jutaev syn­dy  eljandy azamattar tara­pynan qoldaý taýyp, qajetti qara­jat ta tabyla ketti.  

Mýzeı ekspozısııasy Ahmet Baı­tursynulynyń  ómiri men qaırat­kerlik qyzmetiniń hronologııasy kórsetil­gen segiz úlken stendten turady. Aqańnyń asyl murasy, ár jyl­dary túsken sýretteri de osy jer­den tabylady.

Murajaı zalyna sensormen bas­qarylatyn sıfrlyq monıtor qoıyl­ǵan. Bul jerde jolaýshylar ult us­ta­zy­nyń ǵumyrnamasyna qanyǵyp, arhıv materıaldarymen tanysa alady. Sıfrlyq monıtordyń kómegimen Ahmettiń ómiri men qyzmetine qatysty vıktorınalyq suraqtarǵa da jaýap berýge bolady.

Mýzeıdegi derek-qujattyń bári birneshe tilge aýdarylǵandyqtan, ony kez kelgen jolaýshy túsinip oqı
alady.

Máslıhat depýtaty Aleksandra Serǵazınovanyń aıtýynsha, áýejaı mýzeıi Ázirge sıfrlyq formatta ǵana jumys istep tur. Alaıda ýaqyt ótken saıyn mýzeı qory jańa jádigerlermen tolyǵa túspek.

Qostanaı oblysy