«Ýchaske» jedel-profılaktıkalyq is-sharasy aıasynda polısııa qyzmetkerleri qarý ıeleriniń turǵylyqty jerlerinde tekseris júrgizdi. Sharanyń negizgi maqsaty – qarýdy saqtaý jáne tirkeý tártibin baqylaý, zań buzýshylyqtardy anyqtaý jáne olardyń aldyn alý.
Tekserý barysynda birqatar zań talaptarynyń buzylǵany belgili boldy. Atap aıtqanda, qarýdy durys saqtamaý jáne tirkeý merzimin ótkizip alý derekteri tirkeldi. Nátıjesinde 73 turǵynnyń qarýdy saqtaýǵa berilgen ruqsat merzimi ótip ketkeni anyqtaldy. Quqyq buzýshylarǵa qatysty ákimshilik hattamalar toltyryldy.
Polısııa departamenti azamattardy qarý aınalymyna qatysty zańnamany qatań saqtaýǵa shaqyrady. Qoǵamdyq qaýipsizdikti qamtamasyz etý jáne «Zań men tártip» qaǵıdatyn ilgeriletý maqsatynda mundaı profılaktıkalyq sharalar aldaǵy ýaqytta da turaqty túrde júrgiziledi.
