Foto: Ashyq derekkóz
Tekserý nátıjesinde beınejazbadaǵy er adam oblys turǵyny ekeni anyqtalǵan. Ol óz ákesine qol kótergen, al áıeli bul jaǵdaıǵa aralaspaı, kedergi keltirmegen. Kórinisti kórshisi jasyryn túsirip, jelige jarııalaǵan.
Qarııanyń óliminen keıin kúdiktige Qylmystyq kodekstiń 106-baby 3-bóligi (Densaýlyqqa qasaqana aýyr zııan keltirý) boıynsha aıyp taǵylyp, ýaqytsha ustaý ızolıatoryna qamalǵan. Al kúdiktiniń áıeliniń ústinen QK-niń 109-1-baby 2-bóligi 3-tarmaǵy boıynsha qylmystyq is qozǵalǵan.
«Aldyn ala tergeý kezinde barlyq qajetti sharalar atqarylady. Bolǵan oqıǵanyń tolyq mán-jaıy anyqtalǵan soń, zańǵa sáıkes sheshim qabyldanady. Sonymen qatar kelip túsken shaǵymdar da qaralyp, istiń sońynda barlyq qatysýshylardyń áreketine quqyqtyq baǵa beriledi», dep habarlady Túrkistan oblystyq polısııa departamenti.
Sondaı-aq tártip saqshylary marqum ómirden ozǵanǵa deıin odan nemese ózgelerden polısııaǵa shaǵym túspegenin atap ótti.
