foto: Jeńis Ysqabaı
Ákimniń aıtýynsha, sońǵy úsh jylda óńirdiń sanıtarlyq avtoparki 167 kólikpen tolyqqan. Tek bıyldyń ózinde jedel járdem qyzmetine 343 myńǵa jýyq shaqyrtý túsip, kún saıyn orta eseppen 1100-ge jýyq turǵynǵa alǵashqy kómek kórsetilgen. Sondyqtan jańa kólikter medısınalyq kómektiń sapasyn arttyrýǵa yqpal etedi.
Bul joly berilgen kólikter Qaratal, Sarqan, Panfılov, Kóksý, Aqsý, Kerbulaq, Eskeldi, Alakól aýdandaryna, Tekeli jáne Taldyqorǵan qalalyq emhanalaryna, sondaı-aq oblystyq perınataldyq ortalyq, dárigerlik-dene tárbıesi dıspanseri men juqpaly aýrýlar aýrýhanasyna bólindi.
Aqsý aýdandyq ortalyq aýrýhanasynyń bas dárigeri Baıqadam Qurymbaı medısına qyzmetkerleriniń atynan alǵys bildirip, sońǵy jyldary aýdanǵa jas mamandar tartylyp, jańa nysandar salynǵanyn atap ótti.
Aımaqta densaýlyq saqtaý ınfraqurylymyn jańǵyrtý júıeli júrgizilýde. 2022 jyldan beri oblysta 162 jańa nysan salynyp, 10 ǵımarat kúrdeli jóndeýden ótti. Bıyl olardyń 75-i paıdalanýǵa berilmek. Jetisý dárigerlerge kóterme járdemaqy tóleıtin alǵashqy óńir sanalady: ótken jyldan beri 120 maman qarjylaı qoldaýǵa ıe boldy. Sonyń nátıjesinde dárigerler tapshylyǵy 20 paıyzdan asa qysqardy.
