Sýretti túsirgen – avtor
Qazaq halqynyń ulttyq murasyn zamanaýı úlgide jańǵyrtyp, kóne dástúrlerdi búgingi qoǵam ómirine beıimdep, jastardyń ulttyq qundylyqtarǵa degen qyzyǵýshylyǵyn arttyrýdy maqsat etken is-sharaǵa jergilikti qolóner sheberleri de qatysty. Mýzeıge kirgen boıda óskemendik ónerpazdar áýelete án salyp, alystan kelgen meımandardy qarsy aldy. Á degende ońtústik óńirden kelgen qonaqtar sapardyń maqsatyn túsindirip, О́ner mýzeıine dep alyp kelgen syılyqtaryn tabystady.
– Jahandaný dáýirinde ulttyq bolmysty saqtaý – el bolashaǵy úshin asa mańyzdy mindet. Qazirgi tańda jas urpaqtyń sanasynda dástúr men saltqa degen kózqarastyń álsirep, keıbir ulttyq qundylyqtardyń umyt bola bastaýy baıqalady. Osyndaı jaǵdaıda halyqtyń tarıhı jady men rýhanı tutastyǵyn umytpaýymyz kerek. Sol úshin de osynaý ıgilikti saparymyzdy bastadyq, – dedi Shymkent qalasynan kelgen «Ádet-ǵuryp jáne salt-dástúr ortalyǵy» dırektory Jumabaı Ǵapparuly.
Mádenı is-sharada qursaq shashý, at qoıý, shilde kúzetý, tusaý kesý, jaqsynyń ornyna aýnatý sekildi ǵuryptar kórsetildi. Qoǵamdaǵy dástúr, ádet-ǵuryp tal besikten jer besikke deıin jalǵassa, bul kúngi qoıylymda shańyraqqa kelin túsirýden bastap, kishkentaıdyń táı-táı basqanǵa deıingi shaq qana kórsetildi. Sonyń ózinde qanshama maǵyna, úlken tárbıe jatyr?
Kesh sońynda eki tarap bir-birine rızashylyǵyn bildirdi. Shyǵystyń mádenıetine, rýhanııatyna beıjaı qaramaıtyn azamattar bizge de «Ádet-ǵuryp ortalyǵy» kerek eken desip tarqasty.
Shyǵys Qazaqstan oblysy,
О́skemen qalasy
