Sýret: aikyn.kz
Joldaýda aıqyndalǵan el ekonomıkasyn damytýdyń jeti negizgi baǵyty aıasynda ákim óńirde atqarylyp jatqan jáne aldaǵy jumystarǵa nazar aýdardy. Mańǵystaý oblysynda ınvestısııa tartý, bıznes-ortany jáne ınvestısııalyq ahýaldy jaqsartý boıynsha belsendi sharalar júrgizilip jatyr. Nátıjesinde, aldaǵy ýaqytta iri qytaılyq kompanııalarmen jasalǵan kelisimder aıasynda kólik jáne logıstıka, mashına jasaý, sıfrlandyrý jáne balyq sharýashylyǵy salalarynda ınvestısııalyq jobalar iske asyrylmaq.
Ákim Joldaýda atalǵan kólik-logıstıka salasyn damytýǵa qatysty jobalarǵa da toqtaldy. Búginde Memleket basshysynyń qoldaýymen Aqtaý portynda konteınerlik habtyń birinshi kezeńi iske qosyldy. Al 2028 jylǵa qaraı qýaty 11 mln tonna bolatyn «Sarja» teńiz termınaly paıdalanýǵa berilmek. Budan bólek, Aqtaý halyqaralyq áýejaıynda quny 1 mlrd dollardy quraıtyn logıstıkalyq jáne avıasııalyq habtyń qurylysy bastalady.
Sonymen qatar óńir basshysy týrızm salasynyń Joldaýdaǵy basym baǵyttardyń biri ekenin atap ótti. Osyǵan oraı, 2025–2029 jyldary jalpy quny 193 mlrd teńgeni quraıtyn 19 joba júzege asyrylady. Bul qosymsha jańa jumys oryndaryn ashýǵa múmkindik beredi. Bozjyra, Sherqala, Aıraqty, Kendirli jáne Jyly jaǵajaı týrıstik aımaqtarynda ekologııalyq jáne jaǵajaı týrızmin damytýǵa basymdyq berilip otyr.
Oblys ákimi Joldaýda belgilengen mindetterdi tıimdi oryndaý úshin máslıhat, atqarýshy bılik jáne azamattyq qoǵam arasyndaǵy úılesimdi jumystyń mańyzdylyǵyn atap ótti.
– Memleket basshysy Joldaýda el damýynyń jańa basymdyqtaryn aıqyndap berdi. Mańǵystaý oblysy kólik-logıstıka salasynda memlekettiń ekonomıkasy úshin erekshe mańyzǵa ıe. Memleket basshysy óz Joldaýynda osy salanyń mańyzdylyǵyn atap, damytý boıynsha birqatar tapsyrma berdi. Sonymen qatar Beıneý men Sekseýil arasyndaǵy avtojol qurylysyn aıaqtaý tapsyryldy. Atalǵan baǵyt arqyly júk tasymalyn ońtaılandyrýǵa jáne Almaty – Beıneý – Sekseýil kólik jelisin damytýǵa múmkindik týady. Jobanyń basty maqsaty – elimizdiń ońtústik jáne batys óńirleri arasyndaǵy baılanysty nyǵaıtý, ekonomıkalyq ıntegrasııany qoldaý. О́ńir áleýetin tıimdi paıdalaný – bizdiń basty mindetimiz. Qazir maqsatymyz – halyqpen birge osy bastamalardy júzege asyryp, óńirdiń turaqty damýyna qol jetkizý, – dedi N.Qılybaı.
