Mańǵystaý oblysyndaǵy Beket-ata — Shopan-ata avtojolynda avtomobıl apatynan zardap shekken eki áıel bir kún buryn sanıtarııalyq avıasııa bortymen Jańaózennen Mańǵystaý oblystyq kópbeıindi aýrýhanasyna jetkizildi.
— Aýyr jaǵdaıdaǵy eki pasıentti odan ári emdeý boıynsha búgin Densaýlyq saqtaý mınıstrliginiń Respýblıkalyq ortalyqtary mamandarynyń qatysýymen telemedısınalyq konsýltasııalar ótkizildi. Aldaǵy kúnderi olardy Astanadaǵy Ulttyq shuǵyl medısınany úılestirý ortalyǵynyń klınıkasyna jatqyzý usynyldy, — delingen vedomstvo habarlamasynda.
Olardyń biri — polıjaraqat dıagnozy qoıylǵan, eki ókpesi de kógergen, bul desatýrasııa kezeńderin týdyrady jáne tasymaldaýdy qıyndatýy múmkin. Basqa pasıenttiń jaǵdaıy salystyrmaly túrde turaqty, endi alańdaýshylyq týǵyzbaıdy. Apattan zardap shekken úshinshi adam Jańaózen qalasynyń aýrýhanasynda qaldy, onyń jaǵdaıy turaqty.
