Eýropa lıgasy. Búgin «Qaırat» Shotlandııada «Aberdınmen» oınaıdy

ASTANA. 6 tamyz. Búgin túnde «Qaırat» ÝEFA Eýropa lıgasy irikteý týrnıriniń úshinshi raýndy sheńberinde Shotlandııanyń «Aberdın» komandasymen qarymta kezdesý ótkizedi. Syrt alańda bolatyn match Astana ýaqytymen saǵat 00:45-te bastalady. Bul týraly egemen.kz habarlady. Apta buryn Almatyda oınalǵan oıynda qaırattyqtar 2:1 esebimen jeńiske jetken edi. Sondyqtan búgingi kezdesýde Vladımır Vaısstyń shákirtteri úshin kez kelgen teń esep kelesi aınalymǵa shyǵýǵa jetkilikti. Soǵan qaramastan, bas jattyqtyrýshy «Qaırattyń» shabýylǵa kóp kúsh jumsaıtynyn aıtty. Birinshi oıynda komandanyń úzdik bombardıri Jerar Goý alańǵa shyqpaǵan bolatyn. Sondaı-aq, negizgi quramnyń oıynshysy Rıera da Almatydaǵy tartysqa qatyspady. Jattyqtyrýshynyń mundaı sheshim qabyldaýyna fýtbolshylardyń jattyǵý kezinde alǵan jaraqattary sebep boldy. Degenmen, qarymta oıynǵa Goýdyń qatysýy ábden múmkin. Sebebi, ol komandamen birge Shotlandııaǵa bardy. Aıta keteıik, bul kezdesýdi otandyq telearnalar kórsetpeıdi. Elaman Qońyr. Derek: egemen.kz. Sýret: nur.kz.