Premer-mınıstr Memleket basshysy Joldaýda elimizdi damýdyń jańa deńgeıine kóterý úshin júıeli sharalar keshenin qabyldaýdy tapsyrǵanyn atap ótti. Úkimettiń aldyna ekonomıkaǵa, agrosektorǵa jáne logıstıka men turǵyn úı-kommýnaldyq sharýashylyq salasyna sıfrlyq sheshimder men jasandy ıntellektini engizý boıynsha naqty mindetter qoıyldy.
«Biz Prezıdenttiń ınvestısııalyq ahýaldy jaqsartý, negizgi salalardy jańǵyrtý, memlekettiń tıimdiligin arttyrý jáne muqtaj adamdardy áleýmettik qamsyzdandyrýǵa baǵyttalǵan strategııalyq bastamalaryn iske asyrý úshin nátıjeli sharalar qabyldaımyz. Jappaı sıfrlyq transformasııa, ekonomıkany jańǵyrtý jáne adam kapıtalyn nyǵaıtý arqyly elimizdiń ornyqty damýyn qamtamasyz etýimiz qajet. Memleket basshysynyń Joldaýyn júzege asyrý jónindegi jalpyulttyq is-sharalar jospary alǵa qoıylǵan barlyq mindetterge saı keledi. Memlekettik organdardyń birinshi basshylary jospardaǵy is-sharalardyń sapaly ári ýaqtyly oryndalýyn qamtamasyz etýi tıis. Barlyq qarjylandyrý máselelerin shuǵyl sheshý qajet», dep atap ótti Oljas Bektenov.
Daýys berý barysynda jalpyulttyq jospar jobasy biraýyzdan qoldaý tapty. Ulttyq ekonomıka mınıstrligine Úkimet Apparatymen birlesip, Memleket basshysynyń tıisti Jarlyǵynyń jobasyn Prezıdent Ákimshiligine engizý tapsyryldy. Premer-mınıstrdiń orynbasarlary erejelerge sáıkes Jospardyń júzege asyrylýyn baqylaýdy jáne úılestirýdi qamtamasyz etedi.
