Foto: Úkimet
Premer-mınıstr jolaýshylar tasymalyn baqylaý boıynsha da tıimdi tetik joq ekenine nazar aýdardy. Bul másele qala ishindegi jáne qalaaralyq baǵyttarǵa da qatysty bolyp otyr. О́ńirlerde jolǵa shyqqan balalardy arnaıy kólikpen alyp júrý erejesiniń de saqtalmaıtyny aıtyldy. Máselen, ótken aptada ǵana Almaty oblysynda oqýshylar mingen avtobýs apatqa ushyraǵan.
Al jeksenbige qaraǵan túnniń ózinde jol apattarynyń saldarynan Qaraǵandy oblysynda 5 adam, Jetisý oblysynda 10 adam qaza tapqan. Jetisý oblysyndaǵy jaǵdaıda apatqa kináli adam áli júrgizýshi kýáligin de almaǵany anyqtalǵan.
«Prezıdent zańdylyq pen tártipti qamtamasyz etý, quqyq buzýshylyqtarǵa múldem tózbeýshilik jáne jazanyń bultartpas qaǵıdatyn saqtaý mindetin qoıdy. Osy baǵytta, ásirese, jol apattarynyń deńgeıin tómendetý boıynsha naqty sharalar qabyldaý qajet. Ishki ister mınıstrligi tarapynan aıtylǵan usynystardy qoldaımyz. Olardy iske asyrýǵa barlyq memlekettik organdar men jurtshylyq ókilderi tartylýy tıis», dedi Premer-mınıstr.
