Sýrette: Astana Motors Manufacturing Kazakhstan mýltıbrendti zaýyty
Astana Motors Manufacturing Kazakhstan mýltıbrendti zaýyty óz jumysyn bastady. Osyǵan oraı Astana Motors zaýytta shyǵarylatyn avtokólikterdiń baǵasy tómendeıtinin habarlaıdy.
Qazirgi tańda zaýyttyń qural-jabdyqtary tolyǵymen ornatylyp, iske qosyldy. Zaýyt iske qosý jáne retke keltirý jumystaryn júrgizip, Chery, Changan, Haval avtokólikterin shyǵarýǵa arnalǵan quramdas bólikterdiń alǵashqy partııasyn aldy.
Astana Motors kompanııasynyń negizin qalaýshy Nurlan Smaǵulov óndiristi lokalızasııalaýdyń arqasynda avtokólikter qoljetimdi bolatynyn aıtyp, 16 qyrkúıekten bastap Chery, Changan jáne Haval modelderiniń baǵasy tómendeıtinin habarlady.
«О́nerkásiptik qurastyrý boıynsha memleketpen kelisim aıasynda zaýyt dánekerleý jáne boıaý (CKD) arqyly usaq túıindi óndiris ádisin qoldanyp, ónimniń 30%-yn qamtamasyz etýge mindettendi. Avtokólikterdi lokalızasııalaý arqasynda olardyń quny tómendeıdi. Osy oraıda, biz jaýapty kásipkerler retinde modelge baılanysty joǵaryda atalǵan avtokólikterdiń baǵasyn 7-15%-ǵa tómendetemiz», dedi Nurlan Smaǵulov.
Avtokólikterdiń jańa baǵalary týraly tolyǵyraq jaqyn arada Qazaqstandaǵy Chery, Changan, Haval jáne Tank resmı dılerleri habarlaıtyn bolady. Atalǵan brendter men óndirýshi zaýyt Astana Motors kompanııasynyń quramyna kiredi.
Aıta keteıik, Astana Motors Manufacturing Kazakhstan zaýytynyń óndiris qýaty - jylyna 120 myń avtokólik. О́ndiris aýmaǵy - 211 myń sharshy metr, al jer telimi - 309 myń sharshy metr. Kásiporyn tolyq óndiris qýatyna shyqqan kezde jumys oryn sany 3600 adamdy quraıdy. Qazirgi tańda 1700 adam jumyspen qamtylǵan.
О́ndiristik keshen aımaǵynda robottandyrylǵan jáne avtomattandyrylǵan dánekerleý, boıaý jáne qurastyrý sehtary, komponentter qoımasy, shanaqtardy avtomatty jetkizý qoımasy, tarazylaý orny, synaq alańy, lak-boıaý jáne daıyn ónim qoımalary, ınjenerlik jeliler, ákimshilik-sharýashylyq ǵımaraty jáne t.b. ornalasqan.
Mýltıbrendti zaýytta barlyǵy 54 robot jumys isteıdi. Dánekerleý sehy shanaq elementteriniń qosylǵan jerleriniń joǵary dáldigi men turaqty sapasyn qamtamasyz etetin 17 japondyq Fanuc robotymen jabdyqtalǵan. Boıaý sehynda ABB (Shvesııa-Shveısarııa) markaly 34 ónerkásiptik robot pen atomızator jumys isteıdi. Kataforez jelisinde 20 vanna ornatylǵan. Bul joǵary tehnologııalyq deńgeıde shanaqty óńdeýge jáne korrozııaǵa qarsy jabyndy jaǵýǵa múmkindik beredi.
Qurastyrý sehynda úsh Fanuc roboty jumys isteıdi. Olar aldyn ala belgilengen baǵdarlama traektorııasyna sáıkes avtokóliktiń shyny elementterine jelim jaǵý boıynsha tapsyrmalardy oryndaıdy. Robottar qurastyrý prosesiniń sapasy men turaqtylyǵyn qamtamasyz etýge arnalǵan.
Zaýytqa qajetti qural-jabdyqtardyń negizgi jetkizýshisi BMW, Hyundai, Toyota, Jaguar, Land Rover, BYD, Mercedes-Benz, Volkswagen jáne t.b. jahandyq avto alpaýyttarǵa qural-jabdyqtardy shyǵarýda kóshbasshy - Automotive Engineering Corporation (QHR) boldy.
Sondaı-aq zaýytta Siemens (Germanııa), ABB (Shvesııa-Shveısarııa), Schneider (Fransııa), Fanuc (Japonııa) jáne t.b. álemdik brendterdiń jabdyqtary da bar.
Mýltıbrendti zaýyttyń qurylysyn Memleket basshysy Qasym-Jomart Toqaev 2022 jylǵy qarashada Almatyǵa jumys sapary kezinde bastaýǵa ruqsat bergen bolatyn.
Tehnıkalyq lısenzııalaý týraly kelisimderge (TLA) 2023 jylǵy mamyrda Prezıdent Qasym-Jomart Toqaevtyń Qytaıǵa sapary barysynda Sıan qalasynda qytaılyq isker top ókilderimen ótken dóńgelek ústel kezinde qol qoıyldy.
Jobaǵa salynǵan ınvestısııa kólemi 202 mıllıard teńgeden asty. Onyń 37% — Astana Motors kompanııasynyń jeke qarajaty, al 63% — Qazaqstannyń Damý Banki men О́nerkásipti damytý qorynyń kredıttik quraldary arqyly 9% mólsherlemede 15 jylǵa qaryzǵa alynǵan qaıtarymdy qarajat esebinen qarjylandyryldy. Joba QR Indýstrııa jáne qurylys mınıstrligi, QR Syrtqy ister mınıstrligi jáne Almaty qalasy ákimdiginiń qoldaýymen júzege asyryldy.
