Elektrlik áýe taksıimen aınalysatyn «Joby Aviation» kompanııasy «Uber» platformasynda «Blade Air Mobility» tikushaqtaryn usynbaqshy. Qyzmet alǵashynda áýejaılarǵa qatynaý baǵyttarynda jumys isteıdi. «Joby»-diń kommersııalyq qyzmeti 2026 jyly Dýbaıda bastalmaq, keıin AQSh-ta, basqa jerlerde de qoldanyla bastaıdy. Al 2029 jyly «Uber» poıyzǵa bılet satýdy da bastaıdy. Bul kádimgi poıyz emes, saǵatyna júzdegen shaqyrymǵa júıtkıtin jedel poıyzdar. Alǵashqy baǵyttary – London, Parıj, Brıýssel, Lıll qalalary. Osylaısha, taksı shaqyrý da, tikushaqqa otyrý da, tipti poıyzǵa bılet alý da bir ǵana qosymshada qoljetimdi bolmaq.
