«Almaty – О́skemen» avtojolynyń 35-shaqyrymynda, Alataý aýyly mańyndaǵy «ADC TAZA ALEM» JShS-ine tıesili qatty turmystyq qaldyqtar polıgonynda órt shyqty. Jalpy aýmaǵy 35 gektar bolatyn polıgonnyń shamamen 10 gektar jerinde qoqys janǵan.
Qazirgi tańda táýlik boıy órtti sóndirý jáne rekýltıvasııa jumystary júrgizilýde. Qosymsha shara retinde «Tereń Qara» kanalynan 2000 metrlik órt sóndirý rýkavy arqyly motopompamen sý berilip otyr.
Qyzyl jalyndy aýyzdyqtaýǵa Almaty oblysynyń TJD – 65 qyzmetker, 15 tehnıka (6 avtosısterna, 1 lafetpen jabdyqtalǵan avtosısterna, 1 nasosty rýkavty avtomobıl, 3 samosval, 2 sý tasýshy kólik, 1 KShM, 1 vahtovka) qatysýda.
Sondaı-aq, Almaty qalasynyń TJD – 17 qyzmetker, 5 tehnıka (4 avtosısterna, 1 ASOR) jáne 28237 áskerı bólimi (Uzynaǵash) – 7 qyzmetker, 7 tehnıka (1 býldozer, 4 samosval, 1 tral, 1 tıegish) jumys isteýde.
Jergilikti atqarýshy organdardyń – 10 qyzmetkeri, 19 tehnıkasy (15 samosval, 1 ekskavator, 1 tıegish, 2 sý tasýshy kólik) tartyldy.
Qazseldenqorǵaý mekemesinen – 9 qyzmetker, 9 tehnıka (6 samosval, 2 tıegish) atsalysýda.
Mamandardyń aıtýynsha, jaǵdaı tolyq baqylaýda. Oqıǵa ornynda jumystar jalǵasyp jatyr.
Almaty oblysy
