Mańǵystaý oblysy polısııa departamentiniń málimetinshe, jábirlenýshilerdiń aryzdary negizinde QR QK 190-baby («Alaıaqtyq») boıynsha tergeý bastaldy.
1976 jyly týǵan kompanııa dırektory ýaqytsha ustaý ızolıatoryna qamaldy. Tergeý júrip jatyr, ózge málimetter ázirge jarııalanǵan joq.
Ashýlanǵan úleskerler 15 qyrkúıekte oblys ákimdigine barǵan. Olardyń aıtýynsha, qurylys salýshy «Jaqsylyq» turǵyn úı kesheniniń birdeı sharshy metrin birneshe satyp alýshyǵa qatar satqan.
Aryzdanýshylar bul jaǵdaıdy alaıaqtyq áreket dep sanap, bılikten arasha surady. Ákimdik aldynda jınalǵan adamdar qurylys kompanııasynyń ústinen shaǵym túsirgenin málimdedi.
