Foto: Erlan Omar
Eńbek jáne halyqty áleýmettik qorǵaý mınıstrliginiń málimetinshe, 2025 jyldyń basynan beri respýblıkalyq bıýdjetten bala týýyna baılanysty 41,7 mlrd teńge somasynda 230,8 myń adam, onyń ishinde tamyz aıynda 29,2 myń adam 5,3 mlrd teńge somasynda járdemaqy alǵan.
«Balaǵa kútim jasaıtyn adam mindetti áleýmettik saqtandyrý júıesine qatysýshy bolyp tabylmaǵan jaǵdaıda týǵan, asyrap alǵan, sondaı-aq qorǵanshylyqqa alǵan balalary bar, eger olar basqa ata-ananyń otbasynda eskerilmese, ógeı balalary bar adamdardyń (otbasylardyń) bala kútimine baılanysty járdemaqy alýǵa quqyǵy bar. Esepti kezeńde 1,5 jasqa tolǵanǵa deıin bala kútimi boıynsha járdemaqymen 29,1 mlrd teńge somasynda orta eseppen 124,3 myń adam qamtyldy, onyń ishinde tamyz aıynda 3,7 mlrd teńge somasyn 125,8 myń adam aldy», delingen habarlamada.
Bıylǵy bala týýyna arnalǵan járdemaqy mólsheri:
- birinshi, ekinshi, úshinshi balaǵa – 38,0 AEK nemese 149 416 teńge;
- tórtinshi jáne odan keıingi balalarǵa – 63,0 AEK nemese 247 716 teńge.
Bala 1,5 jasqa tolǵanǵa deıin onyń kútimine baılanysty tólenetin járdemaqy aı saıyn kelesideı mólsherde tólenedi:
- birinshi balaǵa – 5,76 AEK nemese 22 648 teńge;
- ekinshi balaǵa – 6,81 AEK nemese 26 777 teńge;
- úshinshi balaǵa – 7,85 AEK nemese 30 866 teńge;
- tórtinshi jáne odan keıingi balalarǵa – 8,90 AEK nemese 34 995 teńge.
Sonymen qatar, jumys isteıtin áıelderge júktilik, bosaný nemese bala asyrap alýǵa baılanysty tabysynan aıyrylǵan jaǵdaıda Memlekettik áleýmettik saqtandyrý qorynan (MÁSQ) arnaıy tólem taǵaıyndalady. Bul tólem eńbekke jaramsyzdyq paraǵynda kórsetilgen barlyq kúnge tólenedi jáne mólsheri sońǵy 12 aıdaǵy ortasha aılyq tabysqa negizdelip esepteledi.
«Atalǵan birjolǵy tólemdi jyl basynan beri jalpy somasy 210,6 mlrd teńgege 148,3 myń adam aldy, onyń ishinde mamyr aıynda 20 mlrd teńge somasyna 18,6 myń adam aldy. 2025 jyldyń 5 aıynda taǵaıyndalǵan tólemniń ortasha mólsheri 1 500 347 teńgeni qurady», delingen habarlamada.
Sondaı-aq, jumys isteıtin ata-analarǵa balasy 1,5 jasqa tolǵanǵa deıin kiristen aıyrylǵan jaǵdaıda MÁSQ arqyly aı saıynǵy tólem qarastyrylǵan. Bul tólem balanyń týǵan kúninen bastap taǵaıyndalyp, sońǵy 2 jyldaǵy ortasha aılyq tabystyń 40%-yn quraıdy. Eger bir ýaqytta birneshe bala dúnıege kelse, tólem ár balaǵa jeke esepteledi.
Atalǵan tólem boıynsha 2025 jyldyń 8 aıynda bul tólem 289,3 mlrd teńgege 170,4 myń adamǵa taǵaıyndalǵan. Onyń ishinde tólem tamyz aıynda 19,6 myń alýshyǵa, tólemniń somasy mamyr aıynda 35,1 mlrd teńgeni qurady. 8 aıdaǵy tólemniń aı saıynǵy ortasha mólsheri – 87 849 teńge.
