Foto: Ulttyq ulan
Jańa kólikter Astana qalasy ákimdiginiń qoldaýymen tartý etilgen. Bul kólikter áskerı bólimniń materıaldyq-tehnıkalyq bazasyn jańartýǵa jáne áskerı qyzmetshilerdiń jaýyngerlik qyzmetke daıarlyǵyn arttyrýǵa baǵyttalǵan. Jańa tehnıka qoǵamdyq tártipti qamtamasyz etý, jedel áreket etý jáne ózge de qyzmettik-jaýyngerlik mindetterdi oryndaý úshin paıdalanylady.
Is-sharaǵa Ishki ister mınıstriniń orynbasary – Ulttyq ulannyń Bas qolbasshysy Ańsaǵan Baltabekov arnaıy qatysty. Ol jańa avtokólikterdiń elordanyń qaýipsizdigin saqtaýda aıryqsha mańyzǵa ıe ekenin atap ótti.
«Jańa avtokólikter sizderge qyzmettik mindetterdi tıimdi oryndaýǵa, kez kelgen jaǵdaıda jedel ári batyl qımyldaýǵa múmkindik beredi», dedi general-maıor Ańsaǵan Baltabekov.
Osyndaı sý jańa avtokólikter quqyqtyq tártip áskeriniń Almaty qalasyndaǵy bólimine de jetkizilgen.
Aıta keteıik, 2025 jyldyń alǵashqy jartysynda Ulttyq ulan áskerı qyzmetshileri zańsyz aınalymnan 173 qarý-jaraq pen oq-dárini, 828 gramm esirtkini tárkilep, tyıym salynǵan zattardy ótkizýge qatysty 77 áreketti toqtatqan. Sonymen qatar, qoǵamdyq tártipti buzǵan 10 myńǵa jýyq azamat polısııaǵa jetkizilip, olardyń 379-y qylmys jasady degen kúdikpen ustalǵan. Búginde elimizdiń ishki qaýipsizdigin saqtaý maqsatynda 7 myńnan asa jaýynger kún saıyn qyzmet atqarady.
