«Bizdi týǵan qashannan Qamysqala, Bir keńsharǵa bul kúnde qonys qana, Eki ǵasyr erligi esten shyǵyp, Qoıa qoımas bir shette qalys qana», dep aqyn aýylyn jyrǵa qosqan. Ol qazaq halqynyń ótkenin, maıdandaǵy jaýyngerlerdiń erligi men tyldaǵy aýyr eńbekti shyǵarmashylyǵyna arqaý etti. Surapyl soǵysta kavalerııa bóliminde eskadron komandıri bolǵan. Býdapesht túbindegi shaıqasta aýyr jaralanǵan. Elge 1945 jyly qańtarda oralǵan soń «Sosıalıstik Qazaqstan» gazetiniń ádebı qyzmetkeri bola júrip, shyǵarmashylyqqa túbegeıli bet burdy.
Halyq jazýshysynyń alǵashqy kitaby 1936 jyly jaryq kórgen. Keıin «Áke syry», «Úlken joldyń ústinde», «Bizdiń aýyldyń qyzy», «Seniń ózeniń», «Oraldaǵy otty kún», «Ańyz ata», «Qurmanǵazy», «Kúı dastan», «Jyldar, jyldar» degen ataýmen poema jazdy. Sondaı-aq álem ádebıetiniń kórnekti ókilderi D.Baıron, V.Shekspır men P.Nerýdanyń, N.Hıkmet pen A.Pýshkınniń, M.Lermontov pen A.Nekrasovtyń, V.Maıakovskıı men R.Ǵamzatovtyń tańdaýly shyǵarmalaryn qazaq tilinde sóıletti.
Aqynnyń týǵan jerindegi eskertkishiniń ashylýyna týystary men nemeresi Aıdar Muratuly keldi. Arnaıy uıymdastyrylǵan kórmege qalamger tutynǵan jazý mashınkasy, kózildirigi men qalamsaby, fotosýretteri qoıyldy.
Atyraý oblysy
