Shyǵys Qazaqstanda ótkizilip jatqan kóptegen mádenı is-sharalardyń biri, biregeıi osy operetta teatrynyń jumysy. Osyǵan deıingi qoıylǵan qaı spektakldi alsaq ta, zal lyq tolyp, halyqtyń qoshemetine bólenip keledi. Al, áıgili shved tobynyń ánderine negizdelgen «Mamma mia!» mıýzıkli kórermenge erekshe kóńil-kúı syılaǵandaı boldy. Olaı deıtinimiz, eki jarym saǵatqa sozylatyn eki bólimdi qoıylymdy el tabjylmaı kórip shyqty. Kóńildi kórinisti bastan aıaq kórip shyqqan oblys ákimi Nurymbet Saqtaǵanov ta oń baǵasyn berip, áleýmettik jelide bólisip jatty.
Qalanyń qaq ortasyndaǵy kóne ǵımarat operetta teatry bolyp ashylǵaly mıýzıklder men operettalar, operalar men mýzykalyq qoıylymdar qoıylady. Eske salsaq, «Mamma mia!» eń alǵash 1999 jyly Londonda qoıylǵan. Sodan beri álemniń 50-den astam elinde kórsetilip, júzdegen mıllıon kórermendi tánti etti. Eń qyzyǵy, Shyǵys Qazaqstan oblystyq drama jáne operetta teatrynda bul týyndy qazaq tilinde de sahnalanǵan.
Shyǵys Qazaqstan oblysy
