Bilim jáne ǵylym mınıstri Aslan Sárinjipov ınformatıkadan Almaty qalasynda ótken 27-shi halyqaralyq olımpıadada el namysyn qorǵaǵan jetkinshekterdi qabyldady. Kezdesý aıasynda mınıstr 83 eldiń ishinen 8-shi oryn alýymyzdy joǵary kórsetkishke baǵalap, jas órenderdi jetistikterimen quttyqtady. Sondaı-aq, olardyń eńbekterine alǵys bildirip, estelik syılyqtar tabys etti.
Jıyn sońyna qaraı BAQ ókilderiniń saýaldaryna jaýap berý barysynda mınıstr qazirgi tańda elimizde júrgizilip jatqan jańa oqý jylyna daıyndyq jaıy jospardaǵydaı júrgizilip jatqandyǵynan habardar etti. – Tamyz aıynda bul másele qyzý talqylanatyndyqtan, biz osy kúnderi san-salaly baǵyttar boıynsha jumystar atqarýdamyz. Ásirese, aımaqtarmen birlese qolǵa alynyp jatqan josparlar qomaqty. Atap aıtqanda, oqýshylardy oqýlyqpen qamtý eń ózekti másele ekeni belgili. Bul rette oblystyq deńgeıde sheshilýi tıis problemalar birshama tııanaqtaldy desek bolady. Tıisti qarajattar bólinip, kórsetiletin kómekter oıdaǵydaı úılestirildi. О́ıtkeni, biz jumysty júrgizýdiń jańa yrǵaǵyn jyl basynda-aq qolǵa alǵanbyz. Iаǵnı, qajetti oqýlyqtar sanyn ádettegideı kúz taıaǵanda tapsyrýdy doǵaryp, derekterdi jyldyń alǵashqy aılarynda jınaýǵa kirisken bolatynbyz. Nátıjesinde, kóktem sońyna qaraı barlyq kelisimsharttar túzilip, bekitildi. Al endi qazirgi kezde memlekettik satyp alý isi uıymdastyrylyp, kóptegen bilim oshaqtaryna qajetti kitaptar jetkizile bastady. Jalpy, kitappen qamtý úderisin Baqylaý komıtetiniń aımaqtardaǵy departamentteri arqyly jiti nazarda ustap otyrmyz. Qazirgi tańda birqatar óńirler bul máseleni túpkilikti sheship qoıdy desek te bolady. Naqtylaı tússek, máselen búginde Almaty qalasynyń barlyq mektepterine oqýlyqtar tolyq jetkizildi. Sonymen qatar, buǵan kereǵar kórsetkish retinde qalys qalǵan oblystar da joq emes. Shyǵys Qazaqstan jáne Ońtústik Qazaqstan oblystarynyń keı aýdandarynda oqýlyq problemasy áli ońtaıly sheshimin taba qoımady. Endigi jerde bul máseleni jergilikti atqarýshy organdarmen kún saıyn habarlasyp, talqylaý ústindemiz. Olar bizge barlyq máseleni 15 tamyzǵa deıin túpkilikti sheship, sońǵy núktesin qoıatyn bolamyz dep ýáde berip otyr, – dedi vedomstvo basshysy. Sonymen qatar, Bilim jáne ǵylym mınıstrliginiń mamandary 18 tamyzda Úkimet otyrysynda osy taqyrypta arnaıy esep beretindigi de belgili boldy. – Mine, sol jerde tek kitap jaıyn ǵana emes, jalpy bilim berý isine qatysty barlyq suraqtar qaralady dep josparlanýda. Onyń ishinde maman máselesi men mektepterdi jóndeý, oqýlyqpen qamtý, kıim kııý men bastaýysh synyp oqýshylaryn tamaqtandyrý jaıy sekildi qyzmetterdiń bári de talqylanady dep kútilýde. Jalpy aıtar bolsaq, bizdiń bıylǵy oqý jylyna daıyndyǵymyz qalypty jaǵdaıda, josparǵa saı júrgizilýde dep nyq senimmen aıta alamyn, – dedi Aslan Bákenuly óz sózinde. Negizinde sóz basyn halyqaralyq olımpıada taqyrybynda bastaǵan bolatynbyz. Kún tártibindegi kúıip turǵan másele bolǵandyqtan, kitaptyń jaıyn keıinge qaldyra almadyq. Al endi bastapqy áńgimege oralsaq, Qazaqstan ulandary halyqaralyq olımpıadada taǵy bir erledi desek te bolady. 324 úmitker qatysqan jarysta tórteýden quralǵan bizdiń top «top ondyqqa» endi. Mınıstrdiń sózimen aıtsaq, «83 eldiń ishinen 8-shi oryn ıelenip joǵary kórsetkishke qol jetkizdik». – Bul úlken jetistik dep baǵalaýǵa turarlyq dúnıe. О́ıtkeni, bizdiń elimiz alǵash ret osy jarysty ózimizde uıymdastyrdy jáne shara aıasynda eki rekordtyq kórsetkish kórinis berdi. Onyń birinshisi – jalpy osy Olımpıada tarıhynda alǵash ret 83 memlekettiń órenderi baq synasa, qatysýshylar sany jaǵynan da joǵary kórsetkishke ıe boldyq. Osy kezge deıin ótken olımpıadalar órkenıeti oq boıy ozyq ketken elderde uıymdastyrylǵanymen, 324 úmitker eshqashan qatyspaǵan eken. Mine, osyndaı ıgilikter Qazaq jerinde ótken jıynda jarııa bolýda. Sondaı-aq, osy 83 eldiń ishinen elimizdiń alǵashqy segizdiktiń qatarynan kórinýin óte jaqsy jetistik retinde baǵalaýǵa bolady, – dedi ol. Bizdiń elimizdiń osyndaı bıikterden kórinýine sebepker bolǵan jetkinshekterge zor alǵysyn bildirgen mınıstr olımpıada qatysýshylaryna qarap, óz qatarlastary boı túzeıtindigin atap ótti. Aıta keteıik, TMD elderi ishinde Qazaqstan Halyqaralyq oqýshylar olımpıadasyn ótkizý quqyǵyna ıe bolǵan ekinshi memleket. Munyń aldynda ınformatıka páninen olımpıadany 1990 jyly Belorýssııa uıymdastyrǵan edi. Keler jyly bul shara Qazan qalasynda ótedi dep josparlanýda. Al endi Qazaqstan quramasynyń ókilderin atap ótsek, olar: Meırambek О́mirzaq – qazaq-túrik lıseıiniń túlegi (Almaty), Bekjan Bekbolatuly – qazaq-túrik lıseıiniń túlegi (Aqtaý), Nazarbek Altybaı – qazaq-túrik lıseıiniń 10-synyp oqýshysy (Aqtóbe) jáne Danııar Mamınov – qazaq-túrik lıseıiniń túlegi (Almaty).
Nurlybek DOSYBAI, jýrnalıst.
