Aıtýly kitap jármeńkesinde avtorlarmen kezdesýler ótip, Arbat ádebı ómirdiń ortalyǵyna aınaldy.
Festıvaldiń eń erekshe jáne qyzyqty jobalarynyń biri — «Kitapashar». Bul býkınıstik dúken oqyrmandarǵa kitapty muqabasy nemese annotasııasyna qarap emes, basqa oqyrmandardyń áserleri arqyly tańdaýǵa múmkindik beredi. Kitaptar qysqasha keńestermen oralǵan, biraq ataýlary kórsetilmegen, sondyqtan kitap tańdaý qyzyqty ádebı saıahatqa aınalyp, kútpegen oqıǵalardy ashýǵa jol berdi.
Is-sharada «Almaty Kitaphanalarynyń» turaqty oqyrmandary oqyrman bıletin kórsetip, kitaptardy arnaıy jeńildikpen ala aldy.
Kúni boıy basty sahnada jazýshylarmen, aqyndarmen kezdesýler ótýde. Festıval qonaqtary arasynda Bıgeldi Ǵabdýllın, Jadı Shákenuly, Álibek Shegebaı, Bahyt Bedelhan, Sanjar Kerimbaı, Ksandra Sılante, Erlan Júnis jáne basqa da avtorlar bar. Spıkerler óz oqıǵalarymen bólisip, shyǵarmalaryn oqyp, qonaqtarǵa qoltańbasy bar kitaptaryn syılady.
«KitapFest bizge, jazýshylarǵa, oqyrmandarmen tikeleı kezdesýge múmkindik beredi. Bul erekshe sát, sebebi sóz qaǵazdaǵy mátinnen tiri dıalogqa aınalady. Mine, osy úshin kitap jazýǵa turarlyq»,_ — dep atap ótti jazýshy Bıgeldi Ǵabdýllın.
