Atyraý qalalyq polısııa basqarmasynyń aqparatyna qaraǵanda, keıingi kezde jol-kólik oqıǵalary jıilegen. Onyń basty sebepteri – jyldamdyq rejımin saqtamaý, mas kúıde kólik júrgizý, manevr jasaý erejelerin buzý.
«Jol apatynyń saldarynan turǵyndardyń qaza taýyp, ártúrli dene jaraqatyn alǵany tirkelip otyr. «Qaýipsiz jol» jedel-profılaktıkalyq is-sharasy kezinde patrýldik polısııa qyzmetkerleri mas kúıde kólik júrgizip júrgen 12 júrgizýshini anyqtady. Júrgizýshilerge qatysty Ákimshilik quqyq buzýshylyq týraly kodeksiniń 608-babymen ákimshilik hattamalar toltyryldy. Jınaqtalǵan is qujattary mamandandyrylǵan ákimshilik sotyna joldandy. Sot sheshimimen quqyq buzǵan júrgizýshiler 7 jyl merzimge kólik quralyn basqarý quqyǵynan aıyrylyp, 20 táýlikke ákimshilik qamaqqa alyndy», dep habarlady polısııa basqarmasynan.
