QR Qarýly Kúshteri Qurlyq áskerleri baspasóz qyzmetiniń habarlaýynsha, atalǵan sarbaz áskerı bólimge kelgen sátten bastap, komandırlermen jáne psıhologpen áńgimelesý barysynda, birneshe ret áskerı qyzmetti ótkergisi kelmeıtinin bildirgen.
— 2025 jylǵy 15 qyrkúıekte Sh. qatardaǵy sarbaz «psıhıkalyq buzylystar» aldyn ala dıagnozymen Aqtaý qalasyndaǵy psıhonevrologııalyq dıspanserge gospıtalızasııalandy. Bul týraly áskerı qyzmetshiniń ata-anasyna habarlandy. Qazirgi ýaqytta quqyq qorǵaý organdary qatardaǵy sarbaz Sh.-ǵa qatysty yqtımal zańsyz áreketter faktisi boıynsha tekserý júrgizip jatyr, — delingen habarlamada.
QR Qarýly Kúshteri Qurlyq áskerleriniń baspasóz qyzmetiniń málimetinshe, sarbazdy tereńdetilgen medısınalyq tekserýden ótkizý úshin, Astana qalasyndaǵy Qorǵanys mınıstrliginiń Bas áskerı klınıkalyq gospıtaline jiberý josparlanyp otyr.
— Azamattar men buqaralyq aqparat quraldary ókilderin rastalmaǵan aqparat pen negizsiz pikirler taratýdan bas tartýǵa shaqyramyz, — delingen habarlamada.
