Qarajat jańa qonaq úı nysandaryn salýǵa, qoldanystaǵy ınfraqurylymdy jańǵyrtýǵa jáne qyzmet kórsetý sapasyn arttyrýǵa baǵyttalǵan.
Osy kezeńde týrızmnen túsken salyq túsimi 46,9 mlrd teńgeni quraǵan. Onyń ishinde qoǵamdyq tamaqtaný salasy – 21,2 mlrd teńge (45,2%), sport jáne demalysty uıymdastyrý – 8 mlrd teńge (17%), ýaqytsha ornalastyrý qyzmetinen 4,6 mlrd teńge (9,8%) túsken.
«Investısııa men salyq túsiminiń ósýi Almatydaǵy týrızm salasynyń qalanyń ekonomıkasyndaǵy negizgi qozǵaýshy kúshterdiń birine aınalyp kele jatqanyn kórsetedi. Bul qarajat ınfraqurylymdy damytýǵa, servısti jaqsartýǵa jáne zamanaýı sapa standarttaryn qalyptastyrýǵa múmkindik beredi», – dep atap ótti týrızm basqarmasyndaǵylar.
Týrızmdi damytý qonaqtardyń Almatyǵa degen qyzyǵýshylyǵynyń artýyn ǵana emes, sondaı-aq qalanyń júıeli jumysyn da jandandyrýǵa tıis. Almaty oblysy aýmaǵynda týrıstik oryndar kóp bolǵanymen, olardaǵy qyzmet kórsetý sapasynyń aqsap turǵany talaı márte syn sadaǵyna ilingen edi. Mamandar keıingi jyldardyń bederinde bul olqylyqtar rettele bastaǵanyn aıtady.
