Statıstıkaǵa júginsek aýdanda 27 eldi meken bar, 257 myńnan astam halyq turady. Aýdan halqy túgel aýyzsýmen, elektr jaryǵymen júz paıyz tolyq qamtylǵan. Sonymen birge osy jylǵy aqpan aıynda «Yntymaq-2» shaǵyn aýdany men «Táýelsizdikke 20 jyl» turǵyn alaby tabıǵı gazǵa qosylyp, barsha Abaı jurty kógildir otynǵa qol jetkizdi. Munyń bári eldiń turmys sapasyn jaqsartýdy kózdegen maqsattyń oryndalǵany.
Aýdanda jol ınfraqurylymyn jaqsartý jumystary da qarqyn alǵan. Ákimshilik aımaqtyń 1274 kóshesiniń 844-i asfalttalǵan. Jyl sońyna deıin tas joldardyń bárine asfalt jabyny tóseledi. Osy kezge sheıin 148 kóshe jóndeldi. Alǵa qoıǵan josparlar oryndalsa aýdanda asfaltsyz jáne jóndelmegen birde-bir kóshe qalmaıdy.
Abaı aýdanynda turǵyndardyń qolaıly turmysyn qamtamasyz etýge erekshe mán berilýde. 2024 jylǵa deıin aýdan kósheleriniń tek 15 paıyzy ǵana jaryqtandyrylsa, bıyl 954 kóshege jaryq shamdar ornatyldy. Al jalpy jyl sońyna deıin aýdannyń barlyq kóshesi túngi ýaqytta jarqyrap turatyn bolady. Osynyń bári Prezıdent tapsyrmasy aıasynda iske asyp jatqan ıgi jumystar. Ondaǵy maqsat halyqtyń meılinshe turmysyn qolaıly etý.
