Ekijaqty kezdesýler ótkizdi

K.Landaýmen ótken kezdesýde taraptar Qazaqstan men AQSh arasyndaǵy ekijaqty qarym-qatynastardyń qazirgi ahýaly men damý bolashaǵyn talqylady. Eki memleket arasyndaǵy áriptestiktiń ózara senim men múddege negizdelgen turaqty oń serpinge ıe ekeni atalyp ótti.

M.Nurtileý Qazaqstan men AQSh arasyndaǵy keńeıtilgen strategııalyq áriptestik ja­ıyna toqtala otyryp, elimiz­diń Ortalyq Azııadaǵy eń iri ekonomıka jáne eýrazııalyq hab retinde aımaqtaǵy AQSh-tyń ekonomıkalyq qatysýyn qamtamasyz etýde mańyzdy ról atqaratynyn atap ótti.

Togo Koroldiginiń Syrtqy ister, aımaqtyq ıntegrasııa jáne sheteldegi togolez aza­mattarynyń isteri jónin­degi mınıstri Robert Dıýssemen ótken kezdesýde ekijaqty qaty­nastardyń dáıekti túrde damyp kele jatqany atalyp ótti. Kezdesý qorytyndysy boıynsha dıplomatııalyq jáne qyzmettik pasport ıelerin vızalyq talaptardan bosatý týraly kelisimge qol qoıyldy.

Aýstrııa Respýblıkasynyń Eýropalyq jáne halyqaralyq ister jónindegi federaldy mı­nıstri Beata Maınl-Raızın­germen saıası, ekonomıkalyq jáne mádenı-gýmanıtarlyq salalardaǵy qazaq-aýstrııalyq yntymaqtastyqtyń jaı-kúıi men keleshegi talqylandy. Úkimetaralyq komıssııa men Iskerlik keńes aıasyndaǵy ózara is-qımyldy jandandyrýdyń jáne ekijaqty dıalogti kúsheıtýdiń mańyzdylyǵy atalyp ótti.

Oman Sultanatynyń Syrtqy ister mınıstri Badr ál-Býsaı­dımen ótken kezdesýde saý­da-ekonomıkalyq jáne ınves­­tısııalyq salalar­daǵy árip­testikti tereńdetý máselelerine basa nazar aýdaryldy. Taraptar turaqty damý men jahandyq qaýip­­sizdikti qamtamasyz etý úshin ha­lyqaralyq uıymdar sheńbe­rinde is-qımyldy úılestirýdiń mańyzdylyǵyn jetkizdi.

Armenııa Respýblıkasynyń Syrtqy ister mınıstri Ararat Mırzoıan­­men ótken kelissóz­der bary­­synda ekijaqty jáne kópjaq­ty yn­ty­maqtastyqtyń ózekti máse­­­leleri qaraldy. Armenııa Premer-mınıstriniń bizdiń elge al­daǵy resmı saparyna daıyndyq máselesine erekshe nazar aýdaryldy.

Belarýs Respýblıkasynyń Syrtqy ister mınıstri Maksım Ryjenkovpen kezdesýde saıası dıalogtiń dáıekti damýy men saýda-ekonomıkalyq ynty­maq­tastyqty keńeıtý máseleleri tal­qy­landy. Qos tarap gýmanı­tar­lyq baılanystar men óńir­ara­­lyq yntymaqtastyqty odan ári da­mytýǵa ózara múddelilik bildirdi.

Kıpr Respýblıkasynyń Syrtqy ister mınıstri Konstan­tınos Kombospen kezdesý barysyn­da ózara saparlardyń qory­tyn­dylary talqylanyp, kólik, energetıka, aýyl sharýa­shylyǵy jáne sıfrlan­dyrý salalaryndaǵy yntymaqtas­tyq­tyń jańa baǵyttary belgi­lendi. Qazaqstan Kıprdiń Eýropalyq Odaq Keńesine aldaǵy tóraǵalyǵy aıasynda ózara is-qımyl jasaýǵa daıyn ekenin bildirdi.

Kezdesýler qorytyndysy boıynsha barlyq áriptes tarapynan ózara senimniń joǵary deńgeıi men ózara tıimdi ynty­maqtastyqty odan ári nyǵaıtýǵa daıyndyq rastaldy.