«Atom energııasy jónindegi agenttik strategııalyq qujat ázirlep jatyr. Onda energııa tapshylyǵy bar óńirlerge shaǵyn modýldi reaktorlar ornatý qarastyrylýy tıis», dedi Memleket basshysy.
Sonymen birge Prezıdent Dýbaı men Bakýde ótken klımattyq sammıtterge qatysty pikirin ashyq jetkizdi.
«Bul keń aýqymdy alaıaqtyqqa uqsaıdy. Bul sózimdi Premer-mınıstr Oljas Bektenov te rastaı alady. AQSh Prezıdenti Donald Tramp ta klımattyń ózgerýin «jahandyq alaıaqtyq» dep ataǵan bolatyn. Sondyqtan Qazaqstan resmı túrde 35 jyldan keıin ǵana karbon kózderinen tolyq qutylady degen ustanymyn jarııalady», dedi Q.Toqaev.
Memleket basshysy elimizdegi energııa óndirisine de toqtaldy. Onyń aıtýynsha, Qazaqstanda jylyna shamamen 118 mıllıard kılovatt energııa óndiriledi, bul – jetkiliksiz. Sıfrlandyrý men jasandy ıntellekt damyǵan saıyn tutyný kólemi arta túspek.
«Barlyq energetıka kózderin tıimdi paıdalanýymyz qajet. Eń aldymen – kómir. Qazaqstan jylyna 113 mıllıon tonna kómir óndiredi jáne bul kórsetkish boıynsha álemniń on iri eliniń qataryna kiredi. Kómir – bizdiń aktıvimiz. Ozyq tehnologııalar onyń zııanyn azaıtyp otyr, al baǵasy jel, kún jáne gazǵa qaraǵanda áldeqaıda tıimdi», dedi Prezıdent.
