Oblys ákimi jerles chempıonǵa avtokólik kiltin syıǵa berip, jeke bapkeri Islam Ábdraımovqa 5 mıllıon teńgeniń sertıfıkatyn tabystady.
Aıda Ábikeeva da kórsetilgen qurmet pen qoldaýǵa rızashylyǵyn bildirdi.
Endigi negizgi maqsat – 2028 jylǵy Olımpıada oıyndaryna qatysý. Qazir sportshyǵa qysqa ýaqyt demalys qajet. Al kelesi jyldan bastap Azııa oıyndary men álem kýboktaryna daıyndyq bastalmaq.
«Álem chempıonatynan keıin kezdesýler óte kóp bolyp, tolyqqandy demalýǵa ýaqyt tapshy boldy. Osyndaı zor qoldaý úshin barshańyzǵa alǵys bildiremin. Qazaqstan halqyna, týǵan jerime erekshe rızamyn. Bul – maǵan týǵan elimnen tartý etilgen ekinshi kólik. Alǵashqysyn naýryz aıynda Serbııada ótken álem chempıonatyndaǵy jeńisten keıin alǵan edim», dedi chempıon.
