Buǵan deıin de halyqaralyq báıgelerde top jaryp, dúbirin dúıim jurtqa tanytqan qazaqtyń Adaı jylqylary Reseıde ótken alaman báıgede Kók baıraqty Qazaqstannyń aty men abyroıyn asqaqtatyp oraldy.
Bıylǵy 24-26 shilde kúnderi Reseıdiń Rıazan oblysyndaǵy Spassk-Rıazanskıı qalasynda halyqaralyq at báıgesi ótken bolatyn. Bul Qazaqstan, Reseı, Germanııa, Fınlıandııa memleketterinen óren júırikter tańdalyp, ártúrli tek pen tuqymnan órbigen júırikterdi ózara synǵa salǵan doda boldy.
Alys qashyqtyqqa shabýdy maqsat etken aıtýly jarysqa Qazaqstannyń atynan Mańǵystaýdan aparylǵan bes Adaı jylqysy qatysyp, beseýi de olja salyp oraldy. 80 shaqyrymdyq qashyqtyqta Ánes Etirekov atty shabandoz balanyń taqymyna tıgen «Býmer» atty sáıgúlik birinshi oryn aldy. Bul tulpardyń alǵashqy alamany eken. 120 shaqyrymdyq qashyqtyqta «Jary» atty júırik aldyna qara salǵan joq. «Jary» buǵan deıin de at jarystarynda ysylǵan, Spassk-Rıazanskıı qalasynda aldyńǵy jyldary ótken saıystarda júlde alyp, byltyr Fransııada synaqtan ótken tulpar. Aıta keteıik, «Jary» da, «Býmer» de Qyzan aýylynyń turǵyny, atbegi Buǵabaı Muqyrbaevtyń júırikteri. 120 shaqyrymdyq alamanda «Jarynyń» sońyna ala bere, ıaǵnı ekinshi orynda Natalıa Dolgıhtiń «Jezkıik» atty Adaı tuqymdy jylqysy máre syzyǵyn kesip ótse, araǵa bir-eki báıge atyn salyp, besinshi-altynshy oryndarda taǵy da Adaı jylqylary – Azat Qoıshıevtiń «Oılysy» men Ábish Etirekovtiń «Kókpary» shaýyp óte shyqty. Darıa Popovanyń osy at tuqymynan shyqqan «Chekıst» tulpary 80 shaqyrymdyq qashyqtyqty tórtinshi orynmen aıaqtady.
Syrt kelbeti kózge qorashtaý kórinip, saıys bastalar aldynda básekelester tarapynan: «Býmer, znachıt ýmer», degendeı túrli jan júdeter «baǵalaýlar» estigen qazaqtyń Adaı jylqylary ózderin alaman alańynda tanytyp, sheteldikterdiń júırikterine shań qaptyryp oraldy. Atbegilerdiń aıtýynsha, álgi «baǵa berýshiler» alaman sońynda tańdanystaryn jasyra almaı Qazaqstannan barǵan júırikterdiń mańynda aınalsoqtap kóp júripti.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy.
–––––––––––––––––
Sýretti túsirgen
Berik DÁÝENOV.
Bıylǵy 24-26 shilde kúnderi Reseıdiń Rıazan oblysyndaǵy Spassk-Rıazanskıı qalasynda halyqaralyq at báıgesi ótken bolatyn. Bul Qazaqstan, Reseı, Germanııa, Fınlıandııa memleketterinen óren júırikter tańdalyp, ártúrli tek pen tuqymnan órbigen júırikterdi ózara synǵa salǵan doda boldy.
Alys qashyqtyqqa shabýdy maqsat etken aıtýly jarysqa Qazaqstannyń atynan Mańǵystaýdan aparylǵan bes Adaı jylqysy qatysyp, beseýi de olja salyp oraldy. 80 shaqyrymdyq qashyqtyqta Ánes Etirekov atty shabandoz balanyń taqymyna tıgen «Býmer» atty sáıgúlik birinshi oryn aldy. Bul tulpardyń alǵashqy alamany eken. 120 shaqyrymdyq qashyqtyqta «Jary» atty júırik aldyna qara salǵan joq. «Jary» buǵan deıin de at jarystarynda ysylǵan, Spassk-Rıazanskıı qalasynda aldyńǵy jyldary ótken saıystarda júlde alyp, byltyr Fransııada synaqtan ótken tulpar. Aıta keteıik, «Jary» da, «Býmer» de Qyzan aýylynyń turǵyny, atbegi Buǵabaı Muqyrbaevtyń júırikteri. 120 shaqyrymdyq alamanda «Jarynyń» sońyna ala bere, ıaǵnı ekinshi orynda Natalıa Dolgıhtiń «Jezkıik» atty Adaı tuqymdy jylqysy máre syzyǵyn kesip ótse, araǵa bir-eki báıge atyn salyp, besinshi-altynshy oryndarda taǵy da Adaı jylqylary – Azat Qoıshıevtiń «Oılysy» men Ábish Etirekovtiń «Kókpary» shaýyp óte shyqty. Darıa Popovanyń osy at tuqymynan shyqqan «Chekıst» tulpary 80 shaqyrymdyq qashyqtyqty tórtinshi orynmen aıaqtady.
Syrt kelbeti kózge qorashtaý kórinip, saıys bastalar aldynda básekelester tarapynan: «Býmer, znachıt ýmer», degendeı túrli jan júdeter «baǵalaýlar» estigen qazaqtyń Adaı jylqylary ózderin alaman alańynda tanytyp, sheteldikterdiń júırikterine shań qaptyryp oraldy. Atbegilerdiń aıtýynsha, álgi «baǵa berýshiler» alaman sońynda tańdanystaryn jasyra almaı Qazaqstannan barǵan júırikterdiń mańynda aınalsoqtap kóp júripti.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy.
–––––––––––––––––
Sýretti túsirgen
Berik DÁÝENOV.
