Jármeńkege Taldyqorǵan men Tekeli qalalarynan, sondaı-aq Alakól, Aqsý, Sarqan, Panfılov, Kerbulaq, Qaratal, Kóksý jáne Eskeldi aýdandarynan aýylsharýashylyq ónimderi jetkizildi. Barlyǵy 154,8 tonna azyq-túlik jeńildetilgen baǵamen saýdalandy. Onyń ishinde et, balyq, sút ónimderi, bal, kókónis, jemis-jıdek jáne basqa da taýar túrleri bar.
Ásirese et ónimderine suranys joǵary boldy. Qarataldan ákelingen sıyr etin satyp alǵan elorda turǵyny Nurlan Ahmetov: «Dúken baǵasymen salystyrǵanda munda arzanyraq ári sapasy kóńilge qonady», – dep pikir bildirdi.
Al Aqsý men Kóksý aýdandarynyń zaýyttarynan shyqqan qant, Eskeldiniń almasy men jemisteri, Kerbulaqtyń kartoby men baly kópshiliktiń kóńilinen shyqty.
Jármeńkege kelgen astanalyqtar ónimniń tabıǵılyǵyn erekshe atap ótti. Máselen, jas ana Álııa Keńes: «Kóksýdan alynǵan sábiz ben qyryqqabattyń jańa terilgeni birden baıqalady. Balalarym úshin osyndaı sapaly ónim tapqanyma qýanyshtymyn», – dedi. Al qala turǵyny Aınur Sadyqova bolsa, «Kartop pen almanyń balǵyndyǵy men dámi dúkendegiden ózgeshe» ekenin aıtty.
Uıymdastyrýshylardyń dereginshe, eki kún ishinde satylǵan ónimniń jalpy quny 128,8 mıllıon teńgege jetken.
