Bul bastama Qazaqstan Respýblıkasy Prezıdentiniń janyndaǵy Ulttyq ǵylym akademııasynyń qoldaýymen jáne «Qas-Saq» halyqaralyq qaıyrymdylyq qoǵamdyq qorynyń uıymdastyrýymen júzege asty. Belgitas qur eskertkish qana emes, kóne dáýirden syr shertetin amanat, urpaq sanasyna uıalaıtyn tarıh paraǵy.
Saltanatty is-sharada ótken ǵylymı-tájirıbelik konferensııada ǵalymdar men tarıhshylar Shilikti óńirinen tabylǵan jádigerlerdiń órkenıettik mańyzyna toqtaldy. Saq dalasynyń murasy tek Qazaqstanǵa ǵana emes, kúlli adamzat órkenıetine ortaq qundylyq ekeni taǵy bir márte aıqyndaldy.
Jıyn tek ǵylymı pikirtalaspen shektelgen joq. «Beıbitshilik jáne kelisim» sherýi ótti, kópshilik nazaryna «Uly Saqtar órkenıetiniń oshaǵy – Shilikti» kórmesi usynyldy. Babalar rýhyna arnalyp as berilip, aıtysker aqyndar jyr tókti. Etnofestıvalda kóne dástúr men ulttyq ónerdiń boıaýy
baıqaldy.
Shiliktidegi Altyn adamnyń bederli bul músini eldik rýhtyń, máńgilik murattyń nyshany. Ol Zaısan óńiriniń mádenı kelbetin jańa qyrynan tanytyp, jas urpaqtyń júregine «biz – saqtyń juraǵaty, Uly dala – altyn besigimiz» degen senimdi uıalatary sózsiz.
Shyǵys Qazaqstan oblysy,
Zaısan aýdany
