Jylý qosý kezeń-kezeńmen alty kún ishinde júzege asyrylady. Kompanııa ókilderiniń aıtýynsha, eń aldymen tehnıkalyq daıyndyq pasporty bar nysandarǵa jylý beriledi.
«Aldyńǵy jyldardaǵydaı, qosý jumystary tehnıkalyq daıyndyqqa baılanysty júrgiziledi. Qajetti aktileri men qujattary joq nysandar barlyq jumystar tolyq aıaqtalǵannan keıin ǵana qosylady», delingen «Shyǵys Jylý» AQ habarlamasynda.
Qazirgi tańda qalada 66 kópqabatty jáne 86 jeke turǵyn úı, 34 mektep pen balabaqsha, 17 medısınalyq uıym, 29 ákimshilik ǵımarat jáne 11 áleýmettik nysan jylytyla bastady.
Kompanııa málimetinshe, qatty otyn qory – 19 486 tonna. Bul 35 táýlikke jetkilikti normatıvtik rezervke sáıkes keledi.
Aıta keteıik, Qaraǵandy qalasynda 2025 jylǵy 25 qyrkúıekke qaraǵan túni jylytý maýsymy bastalǵan edi. Sonymen qatar búgin Rıdder qalasyna jylý berildi. Astanada da jylytý maýsymy iske qosyldy.
Batys Qazaqstan oblysy Energetıka jáne turǵyn úı-kommýnaldyq sharýashylyq basqarmasynyń málimetinshe, densaýlyq saqtaý nysandarynyń daıyndyǵy 98%-ǵa jetti. Birqatar medısınalyq mekemelerde kúrdeli jóndeý jumystary júrgizilýde, olar qyrkúıek aıynda tolyq aıaqtalmaq. Sondaı-aq, bilim berý jáne mádenıet nysandarynyń 99%-y, sport jáne áleýmettik sala nysandary 100%-y daıyn.
