«Volga» kóliginiń dońǵalaǵy ishi tolǵan esirtki eken

Qazirgi ýaqytta «Qordaı» kede­ninde naǵyz qarbalas bastal­ǵan shaq. Jumys úde­risi shekaralaq tórt keden beketinde táýlik boıynsha demalyssyz júrgiziletin bolǵandyqtan, keden­shilerge bir sát te bosań­sýǵa jol beril­meıdi. Olaı deıtinimiz, osy taıaý­da ǵana kedenshiler shekara qyz­metkerlerimen birlese oty­ryp, esirtki alyp ótýdiń úsh jolyn kesken bolatyn. Nátı­jesinde 52 kılodan asa esirtkilik zat – geroın tárki­lendi. Ustalǵandardyń bar­lyǵy qyrǵyz azamattary. Al jaqynda «Qarasý» keden beke­tinde túngi saǵat 11-ler shamasynda memlekettik nomeri S5059AH «Volga 3110» markaly avtokólik toq­tatyldy. Kólik júrgizýshisi 1984 jyly týǵan kór­shi el azamaty. Kúdik týdyrǵan avtokólikti bas maman Nur­jan Aıdarbekov pen jetekshi-kınolog Erjan Ámirbaev tereń­detip tek­serý­den ótkizý úshin ıns­peksııalyq tekserý keshenine jiberýge sheshim qabyldaıdy. Ins­peksııalyq tekserý kesheninde kezekshilikte otyrǵan je­tekshi maman Serikjan Myr­­zaqasymov pen bas maman Arman Tashev atalmysh avtokólikti ska­nerlik tekserýden ótkizý barysynda artqy dóńgelekteriniń ús­­tińgi qaptalynda kúdikti zat­tyń or­nalasqandyǵyn ańǵarady. Ony tereńdete tek­serip qaraǵan kezde arnaıy jelim qaǵazben oralǵan 95 dana brıket shyqty. Dereý taǵaıyndalǵan hımııalyq saraptama nátıjesinde atalmysh ustalǵan zat jalpy sal­maǵy 32 kılo 509,84 gramm geroın jáne 46,8 gramm gashısh ekeni anyqtaldy. Beken NURAHMETOV, Jambyl oblystyq memlekettik kirister departamenti «Qordaı» kedeni basshysynyń orynbasary. Jambyl oblysy.