«GreenAgro» sharýa qojalyǵyna jetekshilik etetin ol bıyl Mahambet aýdanyndaǵy Saraıshyq aýylynan 17 gektar jerdi jalǵa alypty. Aldymen maýsym aıynda qyzanaq tuqymyn ekti. Budan soń qııar men qulpynaı egýge den qoıdy. Al jergilikti naryq bir kılosy 1500–2000 teńgege baǵalanǵan brokkolıdi talap etti.
«Buryn munaı-gaz ónerkásibi salasynda jumys istedim. Al bıyl kásibimdi aýyl sharýashylyǵynda jalǵastyrýǵa qadam jasadym. Atyraý oblysynda buryn brokkolı ósirilgen joq. Sol sebepti, osy daqyldan ónim alýdy kózdedim. Árıne, aldymen ınternetten ony egýdiń tehnologııasy jóninde aqparat jınadym», deıdi A.Esmuratov.
Aıtýyna qaraǵanda, baqsha daqyldaryn ósirýge qyzyǵýshylyǵyn oıatqan ájesi eken. Sırek daqyldyń 600-den astamyn ǵana ekken.
«Bir túp brokkolıdiń ortasha salmaǵy 300–350 gramdy qurady. Bárin qosa eseptegende 250 kılo ónim aldym. Olardy bir-eki kúnde satyp jiberdim. Aldaǵy jyldary da osyndaı sırek kókónisterdi ósirýdi jalǵastyra beremin», deıdi ol.
Atyraý oblysy
