Is-sharaǵa Qazaqstan Respýblıkasynyń Bas Prokýrorynyń orynbasary Ǵabıt Sadyrbekov, oblys ákimi Qumar Aqsaqalov, oblystyq basqarma, departament basshylary qatysty.
Marat Seksembaev Islamhanuly 1979 jyly Qostanaı oblysynyń Arqalyq qalasynda dúnıege kelgen.
E.A. Bóketov atyndaǵy Qaraǵandy memlekettik ýnıversıtetin «Quqyqtaný» mamandyǵy boıynsha támamdaǵan.
Eńbek jolyn 2000 jyly Qaraǵandy oblysynyń prokýratýrasynda bastaǵan.
Marat Islamhanuly Qazaqstan Respýblıkasynyń Bas prokýratýrasynda jáne Qazaqstan Respýblıkasy Bas prokýratýrasy janyndaǵy Quqyqtyq statıstıka jáne arnaıy esepke alý komıtetinde basshylyq laýazymdardy atqarǵan.
Sonymen qatar, Qazaqstan Respýblıkasy Ádilet Mınıstrliginiń tirkeý qyzmeti jáne quqyqtyq kómek kórsetý Komıtetin, sondaı-aq taldaý jáne strategııalyq josparlaý Departamentin basqarǵan.
Sybaılas jemqorlyq týraly isterdi ashý jáne aldyn alý Departamentin, Qazaqstan Respýblıkasynyń ekonomıkalyq jáne sybaılas jemqorlyq qylmystarmen qarsy kúres Agenttiginiń Apparatyn (qarjy polısııasy) basqarǵan.
2014 jyly Qazaqstan Respýblıkasy Prezıdenti Ákimshiliginiń Quqyq qorǵaý júıesi bólimi meńgerýshisiniń orynbasary qyzmetine taǵaıyndaldy.
2016 jyly Qazaqstan Respýblıkasy Bas prokýratýrasynyń Qoǵamdyq múddelerdi qorǵaý qyzmetiniń bastyǵy bolyp taǵaıyndaldy.
2017 jyldan 2021 jylǵa deıin Qaraǵandy oblysynyń prokýrory qyzmetin atqardy, al 2021 jyldan bastap Qazaqstan Respýblıkasy Bas Prokýrory Apparatynyń basshysy boldy.
2022 jylǵy 7 qarashadan bastap 2025 jylǵy 29 qyrkúıekke deıin – Qazaqstan Respýblıkasy Bas prokýratýrasy janyndaǵy Quqyq qorǵaý organdary akademııasynyń rektory qyzmetin atqardy.
Qostanaı oblysy
