Avtomattandyrylǵan ólsheý stansııalary (AО́S) – foto jáne beınetúsirilimdi júzege asyrady. Kólik quraldarynyń túrin, markasyn, memlekettik tirkeý belgisin, salmaqtyq jáne gabarıttik parametrlerin, sondaı-aq ostik júktemelerin tirkeıdi. Belgilengen normadan asqan jaǵdaıda aýyr júk kóliginiń ıesine avtomatty túrde aıyppul salynady.
«Jol aktıvteri sapasynyń ulttyq ortalyǵy» ShJQ RMK Shymkent qalalyq fılıalynyń synaq zerthanasynyń meńgerýshisi Ermek Namazovtyń aıtýynsha, aýyr júk kólikteri úshin bir oske túsetin salmaq 13 tonnadan aspaýy tıis. Alaıda, óńirdegi joldarda 25-40 tonnaǵa deıin júk artqan kólikter emin-erkin júıtkip kelgen.
«Artyq salmaq tıelgen júk kólikteri qalamyzdyń joldaryna aýqymdy zaqym keltirýde. Bir oske túsetin salmaq shekten assa, jol jabyn qabattary búlinedi – jyljyp ketedi, koleıalar (izder) paıda bolady, asfaltta jaryqtar túse bastaıdy. Qazirdiń ózinde magıstraldyq kóshelerde dál osy aqaýlar jıi kezdesýde. Mysal retinde A-2 aınalma jolyn aıtsaq bolady. Bul avtomattandyrylǵan ólsheýish tarazylar – osy máseleniń sheshimi bolyp tabylady», – deıdi Ermek Namazov.
Aıta keteıik , 2025 jylǵy 15 qazannan bastap stansııalar tolyqqandy jumys istep, zańbuzýshylyqtar úshin aıyppul salynatyn bolady.
