Foto: pinterest.com
Kóleńkeli ekonomıkamen kúres jónindegi óziniń baıandamasynda ol bıýdjet qarajatyn paıdalanýǵa júıeli túrde júrgiziletin monıtorıng týraly aıtty. Qarjyny maqsatsyz jumsaý derekteri áleýmettik-kásipkerlik korporasııalardyń (ÁKK) qyzmetinde de anyqtalǵan.
«О́ńirlik áleýmettik-kásipkerlik korporasııalar memlekettik qoldaýdy baıý quralyna aınaldyryp otyr, olar alǵan nesıelerin paıyz túrinde kiris alý úshin bankterge depozıt etip salady. Mundaı derekter Túrkistan oblysynda 2 mlrd teńgege, Abaı oblysynda 152 mln teńgege anyqtaldy», dep atap ótti mınıstr.
Memlekettik qoldaýdy maqsatsyz jumsaýdan bólek vedomstvo ózge de shemalarmen kúresýde. Shaǵyn jáne orta bıznes sektorynda salyqtardy barynsha azaıtý jáne tóleýden jaltarý áreketteri kóp. Mysal úshin, bir zańdy mekenjaı boıynsha birneshe kompanııany tirkeý beleń alǵan. Derekterge sáıkes, tek 3,5 myń mekenjaıda 20 myńǵa jýyq kompanııa tirkelgen, olardyń salyqtar boıynsha bereshegi 60,4 mlrd teńgeni qurady.
