Áskerı áýlet Elimizde tuńǵysh ret osyndaı baıqaý bastaldy

Keshe resmı túrde «Áskerı áýlet» alǵashqy respýblıkalyq baı­qaýy bastaldy. Ol otbasylyq qun­dylyqtardy keńinen nasıhat­taýǵa, óskeleń urpaqty patrıottyq jáne adamgershilikke tárbıeleý negizderi retinde qazaqstandyq áskerı qyzmetshilerdiń otbasyna demeý bolýǵa baǵyttalǵan. Atalǵan baıqaýǵa Qarýly Kúsh­terde qyzmet atqarǵan, sondaı-aq Uly Otan soǵysyna qatysqan áke­leriniń, analarynyń, atalary men apalarynyń dańqty áske­rı dástúrlerin jalǵastyra otyryp, qazirgi ýaqytta qazaq­stan­dyq armııada qyzmet etip júrgen áskerı qyzmetshiler qaty­syp, otbasynyń erekshe qundy­lyq­taryn aıtyp bere alady. «Áskerı áýlet» baıqaýy búkil el­ge urpaqtan-urpaqqa áskerı qyz­­met dás­túrin jalǵastyryp kele jatqan aıbyndy áskerı qyz­met­shilerdiń áýleti týraly pash etedi. Qazaqstan Respýblıkasy Qorǵanys mınıstrliginiń osy is-sharasyna qatysýǵa nıet bildirýshilerge jaýyngerlik marapattar, otbasy músheleriniń eńbekteri men je­tistikteri, dástúrleri men qasıetteri týraly áńgimeleı otyryp, óziniń áskerı áýletiniń portfolıosyn usynýlary qajet. О́tinimder aǵymdaǵy jylǵy tamyzdyń 5-i men 25-i aralyǵynda qabyldanady.