«Jas darynǵa» syılyq

Oblys ortalyǵyndaǵy qazaq tilinde bilim beretin «Jas daryn» atalatyn mektep oqý-bilimge talpynysy erekshe oqýshylar úshin 1999 jyly ashyldy. Bul kúnderi mektepte 340 oqýshy bilim alýda. Al, mektep qaladaǵy burynǵydan kele jatqan tarıhı ǵımarattardyń birinde ornalasqan. Mektepte 14 oqý kabıneti bar, hımııa, fızıka, bıologııa kabınetteri qazirgi zaman talabyna saı jabdyqtalǵan. Jalpy, oqytý úderisi jara­ty­lystaný-matematıkalyq jáne qoǵamdyq-gýmanıtarlyq ba­ǵytta júrgiziledi. Qoǵamdyq-gýmanıtarlyq ba­ǵyt­taǵy synyptarda aǵylshyn tili men qazaq tili tereńdetilip oqy­ty­lady. Kóptildilikti damytý baǵyty 5-synyptan bastalady. Eljandylyq, otanshyldyq, eldi súıý, patrıottyq tárbıe sabaqtary júrgiziledi. Elbasy Joldaýynda bilim berý sapasyn arttyrýdy dúnıejúzilik standart deńgeıine jetkizý bas­ty maqsat ekeni aıtyldy. Qazir bizdiń elimizdegi kóptegen mektepter halyqaralyq baıqaýlarǵa qatysa alamyz. Osy arqyly oqýshylardyń jetistikteri men bilimderi kórinetini sózsiz. Mekteptiń bilim berý, tárbıelik keńistigin ǵylymı jobalar, saıystar, ıntellektýaldyq marafon, kórkem shyǵarmashylyq baǵytyndaǵy jobalar quraıdy. Úzdik oqýshylary halyqaralyq, respýblıkalyq baıqaýlarǵa qatysýda. Ǵylymı jobalar jazyp, mektep qabyrǵasynda júrip, izdenispen, shyǵarmashylyqpen jumys jasaıdy. Oqýshylarymyz Mohamed Ál Ámir, Erkegúl Asaıyn, Tursyn Mahmud, Da­nııal Habıbolla, Arýjan Tur­ǵa­nova, Darııa Shegen, Kúlásh Qońy­rova, Álııa Aqbaeva jáne basqa ul-qyzdarymyz mekteptiń maqta­nyshtary. Bilimdi, kóp til biletin bolashaqtyń mamandary erjetip keledi degen sóz. – 2009 jyly mektep ǵıma­ra­tynan bólek sport zaly salyndy. Oqýshylar deneshynyqtyrý sabaǵyna barý úshin eki arada júrdi. Sodan beri oblys ákimdigine oqý korpýsy men sport zaldyń arasyn qosatyn ótpeli aralyq gale­reıanyń salynýyn surap birneshe ret ótinish jazdyq, – deıdi mektep dırektory Sáýle Hasanova. Farıda BYQAI, «Egemen Qazaqstan». PAVLODAR.