2010-2012 jyldary júrgizilgen zertteýler nátıjesinde elimizdiń jer qoınaýyndaǵy boljamdy alynatyn shartty otyn resýrstary 76 mlrd tonnaǵa jetken. Onyń 70 mlrd tonnadan astamy Kaspıı mańy, Ústirt-Bozashy, Mańǵystaý jáne Ońtústik Torǵaı basseınderinde shoǵyrlanǵan. Al qalǵan bóligi az zerttelgen, biraq áleýeti joǵary provınsııalardy ornalasqan. Olardy júıeli barlaý jáne ıgerý arqyly biz jańa óndiristik ortalyqtardyń qalyptasýyna jol ashady.
Májilistiń ekologııa jáne tabıǵat paıdalaný komıtetiniń tóraǵasy Edil Jańbyrpshın búginde geologııalyq barlaýǵa tartylatyn ınvestısııa kólemi jetkiliksiz ekenin atap ótti.
«Investordyń senimin qamtamasyz etý úshin, endi óz qarajaty esebinen az zerttelgen aýmaqta geologııalyq zertteý júrgizgen ınvestor barlaý jáne óndirý kezeńine basym jáne kepildi quqyqpen óte alady. Bul úshin birinshi 3 jyl ishinde kelisimshart aýmaǵynyń keminde 30 paıyzyn qamtıtyn 2D seısmıkalyq zertteý júrgizý talaby engiziledi. Iаǵnı, kim shyn máninde zertteýge qarjy salsa, sol ári qaraı ıgerý quqyǵyn alady. Bul ádis ınvestordyń múddesin qorǵaıdy jáne elge jańa geologııalyq derekter beredi», dedi E.Jańbyrshın.
Rezervtegi ýchaskelerdiń tıimdi aınalymyn qamtamasyz etý de qarastyrylǵan. Qazir kómirsýtek salasyndaǵy ulttyq kompanııalarǵa 53 jer qoınaýy ýchaskesi rezervke bekitilgen. Biraq olardyń tek 20 paıyzy ǵana ıgerile bastady. Qalǵandary uzaq jyldar boıy aınalymnan tys tur. Osyǵan baılanysty zań jobasy aıasynda rezervteý merzimin shekteý, al bosaıtyn ýchaskelerdi elektrondyq aýksıon arqyly naryqqa shyǵarý usynyldy. Sondyqtan ýran salasyndaǵy ulttyq kompanııaǵa jańa ken oryndaryn izdeý jáne ıgerý boıynsha basym quqyq beriledi.
Zań jobasynda 1 mlrd AQSh dollary kóleminde jańa ınvestısııa tartyp, az zerttelgen aýmaqtardyń jer qoınaýyn barlaýǵa jáne ıgerýge jol ashý jáne jańa geologııalyq aqparat alý josparlanyp otyr. Kómirsýtek salasynda ınvestorlar men ulttyq kompanııalar úshin teń jaǵdaı ornatý, geologııalyq barlaý men óndirý arasyndaǵy alshaqtyqty qysqartyp, resýrstardy ónerkásiptik aınalymǵa tez engizý, ýran salasyndaǵy ulttyq kompanııaǵa ýrandy barlaý boıynsha basymdyq quqyǵyn berý de qarastyrylǵan.
Aıta ketý kerek, bul – elimizdiń energetıkalyq qaýipsizdigin, ınvestısııalyq tartymdylyǵyn jáne geologııalyq ǵylymnyń jańa deńgeıin qamtamasyz etetin strategııalyq qujat. Ol Memleket basshysynyń «Ádiletti Qazaqstannyń ekonomıkalyq baǵdary» atty joldaýyndaǵy elimizdiń mıneraldyq-shıkizat bazasyn keńeıtý jáne geologııalyq zertteý júıesin túbegeıli jańǵyrtý jónindegi tapsyrmasyn oryndaý maqsatymen ázirlengen.
