Aýyl turǵyndary óz ómirine kóbirek rıza
Zertteý derekterine súıensek, respondentterdiń 53,2 paıyzy ómir súrý jaǵdaılaryna tolyq qanaǵattanatynyn, 46,3 paıyzy jartylaı qanaǵat ekenin bildirgen. Aýyldyq eldi mekenderde turatyndardyń 65,4 paıyzy óz turmys deńgeıin oń baǵalaǵan, bul kórsetkish qalalyq jerlerde 51,7 paıyzdy quraıdy.
2024 jylmen salystyrǵanda qanaǵattaný deńgeıi sál artqan: byltyr bul kórsetkish 52,5 paıyz bolsa, bıyl 53,2 paıyzǵa jetken.
Densaýlyq pen tabysqa kózqaras
Respondentterdiń jartysyna jýyǵy (51%) óz densaýlyqtaryna kóńili tolatynyn aıtqan, al 46,4 paıyzy bul suraqqa «jartylaı qanaǵat» dep jaýap bergen. Densaýlyqqa qanaǵattaný deńgeıi ótken jylmen salystyrǵanda 1,5 paıyzdyq tarmaqqa ósken (2024 jyly – 49,5%).
Materıaldyq turǵyda azamattardyń kópshiligi ózderin «ortasha qamtamasyz etilgender» qataryna jatqyzady — mundaı pikirdi 73,6 paıyz respondent bildirgen.
Qoldaý men úmit basym
Saýalnamaǵa qatysýshylardyń 65,8 paıyzy týystary men tanystarynan moraldyq qoldaý tabatynyna senimdi ekenin aıtqan. Al 73 paıyzy óz bolashaǵyna senip, aldaǵy ýaqytta ómir súrý jaǵdaıy jaqsarady dep úmit bildirdi.
Ulttyq statıstıka bıýrosynyń zertteýi halyqtyń áleýmettik kóńil kúıi men ómir sapasyna degen kózqarasynyń birtindep oń baǵytta ózgerip kele jatqanyn kórsetedi.
