Foto: oca-praga.cz
Qazaqstan bul nátıjemen Ortalyq Azııa men Kavkaz elderi arasynda eń kóp oqý orny engen memleket bolyp otyr. Nazarbayev University alǵash ret álemdik top-500 qataryna kóterilse, ál-Farabı atyndaǵy Qazaq ulttyq ýnıversıteti óz ornyn 1201-1500 dıapazonynda saqtap qalǵan. Sondaı-aq tizimge L.N.Gýmılev atyndaǵy Eýrazııa ulttyq ýnıversıteti, Satbayev University jáne Qazaq agrarlyq zertteý ýnıversıteti engen.
Elimizdiń joǵary bilim berý oryndary san ǵana emes, sapa turǵysynan da óz pozısııasyn nyǵaıtqan.
World University Rankings – bul zertteý ýnıversıtetteriniń eń iri jáne teńgerimdi halyqaralyq reıtıngi. Ádisteme 18 kórsetkishke negizdelgen. Olar bes baǵyt boıynsha toptastyrylǵan:
✔ Oqytý (Teaching) – bilim berý sapasy men akademııalyq bedel;
✔ Zertteý ortasy (Research Environment) – tabys, ónimdilik jáne zertteý bedeli;
✔ Zertteý sapasy (Research Quality) – dáıeksóz keltirilýi, zertteý kúshi men yqpaly;
✔ Halyqaralyq baǵdar (International Outlook) – sheteldik stýdentter, qyzmetkerler jáne jarııalanymdar úlesi;
✔ Indýstrııamen baılanys (Industry) – ónerkásippen ózara áreket jáne patenttik belsendilik.
Baǵalaý barysynda 19 mıllıon ǵylymı jarııalanym, 1,5 mıllıon sarapshynyń pikiri jáne 3 myńnan astam ýnıversıtettiń ınstıtýsıonaldyq derekteri eskerilgen.
