Qarajat ýákiletti operatorlarǵa ótinish berýshilerdiń banktik shottaryna esepteý úshin aýdaryldy. Onyń ishinde turǵyn úı máselelerin sheshý úshin 14,14 mln dollar somasyna 98 046 ótinish, bilim alý aqysyn tóleýge shamamen 8,15 mln dollar somasyna 58 910 ótinish oryndaldy.
Esterińizge sala keteıik, nysanaly jınaqtardy (NJ) alýshy barlyq somany nemese onyń bir bóligin paıdalanýǵa quqyly. Paıdalanylmaǵan qaldyq nysanaly jınaqtaý shotynda (NJSh) saqtalady.
Turǵyn úı jaǵdaılaryn jaqsartý aıasynda qazaqstandyqtar qarjylaryn kóbinese mynadaı maqsatta paıdalandy: odan ári jınaqtaý úshin turǵyn úı qurylysy jınaqtaryndaǵy salymdy tolyqtyrýǵa 13,85 mln AQSh dollaryna 95 786 ótinish, turǵyn úı satyp alýǵa ıpotekalyq turǵyn úı qaryzyn alý úshin bastapqy jarnany engizýge 101,44 myń AQSh dollaryna 755 ótinish jáne azamattyq-quqyqtyq mámileler boıynsha menshikke turǵyn úı satyp alýǵa (túpkilikti esep aıyrysý) 69,88 myń AQSh dollaryna 553 ótinish oryndaldy.
Bilim alý aqysyn tóleý boıynsha eń tanymal qosalqy maqsattar: Qazaqstan Respýblıkasynyń aýmaǵynda ornalasqan bilim uıymdarynyń bilim berý qyzmetterine úlestermen (árbir akademııalyq kezeń nemese oqý jyly úshin) nemese bir ret tolyq kólemde (búkil oqý merzimi úshin) aqy tóleý (7,38 mln AQSh dollaryna 52 574 ótinish oryndaldy), bilim alý úshin jınaqtaý salymy týraly shart boıynsha bilim alý jınaqtaý salymyn tolyqtyrý (527,67 myń AQSh dollaryna 4 477 ótinish oryndaldy), sheteldik bilim berý uıymdarynyń oqytý qyzmetterine úlestermen (árbir akademııalyq kezeń nemese oqý jyly úshin) nemese tolyq kólemde birjolǵy (búkil oqý merzimi úshin) aqy tóleý (194,54 myń AQSh dollaryna 1 526 ótinish oryndaldy).
Nysanaly jınaqtar tólemin turǵyn úı jaǵdaılaryn jaqsartý jáne (nemese) bilim alý aqysyn tóleý maqsatynda paıdalaný boıynsha ýákiletti operatorlar men óńirler bólinisindegi tolyq aqparatpen enpf.kz saıtynda tanysýǵa bolady.
Nysanaly jınaqtar tólemin alý úshin alýshyǵa ne onyń zańdy ókiline BJZQ-men tıisti kelisim jasaǵan ýákiletti operatorǵa júginý qajet. О́tinishti «Otbasy banki» AQ, «Qazaqstan Halyq banki» AQ-nyń biriniń ınternet-resýrsy nemese mobıldi qosymshasy arqyly berýge bolady. Aıta keteıik, 01.08.2025j. bastap atalǵan tizim «Bank SentrKredıt» AQ jańa ýákiletti operatorymen tolyqtyryldy.
Esterińizge sala keteıik, «Ulttyq qor - balalarǵa» baǵdarlamasyna saı Qazaqstan Respýblıkasy Ulttyq qorynyń ınvestısııalyq kirisiniń 50%-y jylyna bir ret 2006 jyly jáne odan keıin týǵan, Qazaqstan Respýblıkasynyń azamaty bolyp esepteletin balalar arasynda bólinedi. 2023 jyly barlyq NJ alýshylaryna 100,52 AQSh dollary, 2024 jyly – 129,38 AQSh dollary eseptelgenin habarlaımyz. 2006 jyly týǵan azamattardy qospaǵanda, 2023 jyly Ulttyq qordan alǵashqy qarajat eseptelgen balalarǵa bıyl 3,04 AQSh dollary mólsherinde ınvestısııalyq kiris esepteldi. Nátıjesinde, 2006 jyly týǵan balanyń nysanaly jınaǵyndaǵy qarajat 100,52 AQSh dollaryna teń bolsa, 2007 jyly týǵan balanyń NJSh-da 232,94 AQSh dollary jınaqtaldy.
Kámeletke tolǵan azamattar ózderiniń NJ týraly aqparatty BJZQ-nyń nemese elektrondyq úkimettiń ınternet-resýrstaryndaǵy jeke kabıneti arqyly óz betinshe alýy tıis, sodan keıin ýákiletti operatorǵa AQSh dollarynda banktik shot ashyp, turǵyn úı jaǵdaılaryn jaqsartý jáne (nemese) bilim alý aqysyn tóleý úshin NJ tólemine onlaın-ótinish berý úshin júgine alady.
Nysanaly jınaqtar tólemin rásimdeý úshin alýshy ne onyń zańdy ókili BJZQ-men tıisti kelisim jasalǵan ýákiletti operatorǵa júginýi qajet. О́tinishti ınternet-resýrs nemese «Otbasy bank» AQ (turǵyn úı jaǵdaılaryn jaqsartý jáne bilim berý aqysyn tóleý maqsatynda), «Qazaqstan Halyq banki» AQ, «Bank SentrKredıt» AQ (bilim berý aqysyn tóleý maqsatynda) ýákiletti operatorlarynyń biriniń mobıldi qosymshasy arqyly berýge bolady.
