Buryn, mysaly, qosymsha qun salyǵy boıynsha esepti 15 tamyzda tapsyrsaq, kameraldyq baqylaý ondaǵy qatelerdi tek eki jyldan keıin ǵana anyqtaıtyn. Qazir jaǵdaı túbegeıli ózgerdi. Júıe barlyq derekterdi avtomatty túrde óńdeıdi jáne eki-úsh kún ishinde nátıjesin kórsetedi. Bul – jasandy ıntellektiniń naqty iske qosylǵanynyń dáleli.
Qazir Memlekettik kirister komıtetinde jasandy ıntellekt belgili bir úderisterde qoldanylyp jatyr. Mysaly, kameraldyq baqylaýda yqtımal zańbuzýshylyqtardy anyqtaý kezinde júıe avtomatty taldaý jasaıdy. Buryn bul uzaq ýaqyt alatyn, al qazir jasandy ıntellekt málimetterdi birneshe kún ishinde saraptap shyǵady.
«Shyn máninde, bul jumys birazdan beri júrip jatyr, tek buǵan deıin ony jasandy ıntellekt dep ataı qoıǵan joq. Prezıdent Joldaýynan keıin osy baǵyttaǵy jumystar resmı deńgeıde jańa kezeńge ótedi. Menińshe, kelesi qadam – sıfrlandyrýdy odan da tereńdetý. Salyq organdary adamnyń bir jylda qansha tabys tapqanyn, qansha qarajat aýdarǵanyn jáne onyń qanshasyn resmı túrde jarııalaǵanyn naqty kóre alady. Bul úshin memlekettik derekter bazalary biriktiriledi, qajet bolǵan jaǵdaıda sheteldik derekter qorlarymen de ıntegrasııa jasalady. Jasandy ıntellekt barlyq aqparatty taldap, kez kelgen sáıkessizdikti avtomatty túrde anyqtap otyrady», deıdi sarapshy.
Qarjy mınıstrliginiń sıfrlyq transformasııadaǵy kóshbasshylyǵy aıqyn. Búginde salyqtyq eseptiliktiń barlyǵy derlik elektrondy formatta qabyldanady. Mınıstrliktiń basty baǵytynyń biri – derekterdi óńdeýdiń tolyq avtomattandyrylýy. Bul baǵyttaǵy jumystardyń nátıjesinde bıznes te, jeke tulǵalar da salyq organdarynyń sheshimderin áldeqaıda jyldam kóre alady.
«Prezıdent Qasym-Jomart Toqaev Joldaýynda Memlekettik kirister komıtetin sıfrlandyrýdyń flagmanyna aınaldyrýdy tapsyrdy. Onyń aıtýynsha, jasandy ıntellektiniń áleýetin tıimdi paıdalaný salyq tóleýshilerdiń de, memlekettiń de múddesine saı bolýy tıis. Prezıdent kásipkerlerge túsetin qysymdy azaıtýǵa erekshe toqtaldy. Buǵan deıin bızneske eskertý sharalarynyń ornyna jazalaý tásilderi jıi qoldanylyp kelgeni aıtyldy. Sondaı-aq Prezıdent kásipkerlerdi artyq tekseristerden qorǵaý úshin mindetti talaptar tizilimin engizýdi jáne qoldanystaǵy normalardy Kásipkerlik kodekske sáıkestendirýdi júktedi. Memlekettik qyzmetterdi sıfrlandyrýda belgili bir jetistikter bolǵanymen, bıznes úshin bıýrokratııalyq kedergiler áli de saqtalyp otyr. Prezıdenttiń pikirinshe, bul jaǵdaıdy ózgertý qajet jáne sıfrlyq sheshimder osy máseleni túbegeıli ońtaılandyrady», dep túsindirdi D. Kazansev.
Rasynda, qazirdiń ózinde alǵashqy qadamdar jasalyp jatyr. Kameraldyq baqylaýda jasandy ıntellekt qatelerdi avtomatty túrde anyqtap, salyq tóleýshilerge tez habarlaıdy. Kelesi kezeńde bul tehnologııa mobıldi aýdarymdar men jeke tulǵalardyń kiristerin taldaý baǵytynda keńinen qoldanylatyn bolady.
