Aýqymdy sharaǵa Qyrǵyzstan, О́zbekstan, Ulybrıtanııa jáne Qazaqstannyń belgili tarıhshylary men ǵalymdary qatysty.
Is-sharanyń ashylýynda oblys ákiminiń atynan sóz sóılegen Dıas Esdáýletov Shoqan murasynyń túrki halyqtarynyń tarıhy men mádenıetin tanýdaǵy mańyzyna toqtaldy. Onyń aıtýynsha, Shoqan Ýálıhanovtyń tulǵasy jalpyulttyq qana emes, barsha túrki jurty úshin ortaq maqtanysh.
– Ǵalymnyń ómiriniń sońǵy kezeńin Jetisý jerinde ótkizip, osy óńirde máńgilik tynys tabýy – biz úshin zor mártebe ári úlken jaýapkershilik, – dedi ol.
Bıyl «Altynemel» mýzeıiniń ashylǵanyna 40 jyl tolyp otyr. О́ńirdiń tarıhı-mádenı ómirinde eleýli orny bar bul nysan Prezıdent tapsyrmasymen 2023 jyly tolyq jańǵyrtýdan ótken.
Konferensııa barysynda Jarylqap Beısenbaıulynyń «Shoqan» atty kitabynyń jańa basylymynyń tusaýkeseri ótti. Sonymen qatar Máýlen Áshimbaev pen Marat Ahmetjanovtyń quttyqtaý hattary oqyldy.
Ǵylymı jıynda Áýezhan Shashaev, Sholpan Turdalıeva, Vladımır Fetısov, Fakııa Shamshıdenova jáne Ulybrıtanııalyq zertteýshi Nık Fıldıng baıandama jasap, Shoqan eńbekteriniń tyń qyrlaryn taldap, onyń zertteýlerindegi etnografııalyq jáne tarıhı derekterge toqtaldy.
Konferensııa pikirtalas alańyna ulasyp, qatysýshylar Shoqan murasyn tereńirek zertteý jáne nasıhattaý baǵytynda birqatar usynystar aıtty.
Jıyn aldynda qatysýshylar Kerbulaq aýdanyndaǵy «Altynemel» memorıaldyq mýzeıine baryp, ǵalym eskertkishine gúl qoıyp, «Taza Qazaqstan» aksııasy aıasynda jas kóshetter otyrǵyzdy.
Materıaldy daıyndaǵan: Jetisý oblysy ákiminiń baspasóz qyzmeti
Fotolar: Jeńis Ysqabaı jáne oblystyq mádenıet, arhıvter jáne qujattama basqarmasy
