Tótenshe jaǵdaı Qaırankól kólinde tirkelgen. Er adam motorly qaıyqpen balyq aýlaýǵa shyqqan, biraq belgisiz sebeptermen sýǵa qulap, ózdiginen jaǵaǵa jete almaǵan.
Oqıǵa týraly habar túskennen keıin TJM-niń jedel-qutqarý jasaǵy dereý oqıǵa ornyna jetip, er adamdy sýdan alyp shyqqan.
«Oǵan alǵashqy medısınalyq kómek kórsetildi, keıin dárigerlerge tapsyryldy. Alaıda, ókinishke qaraı, er adam qatty tońýdyń saldarynan kóz jumdy», – delingen TJD habarlamasynda.
TJM mamandary qolaısyz aýa raıy jaǵdaıynda sý aıdyndaryna shyǵý qaýipti ekenin eskertedi.
Qaýipsizdik maqsatynda:
- qaıyqtyń tehnıkalyq jaǵdaıyn aldyn ala tekserý;
- mindetti túrde qutqarý keýdeshesin kııý;
- baılanys quralyn ózimen birge alyp júrý qajet.
