Bul másele alǵash ret byltyr Ashybulaq aýyldyq okrýginiń ákimi Bahtııar Qasymbektiń bastamasymen kóterilgen bolatyn. Ol ózen arnasyna jasalǵan zańsyz áreketterge baılanysty birneshe ret baqylaýshy jáne ekologııalyq mekemelerge resmı hattar joldaǵan. Ákimniń tabandylyǵynyń arqasynda jaǵdaıǵa birqatar memlekettik organdar nazar aýdaryp, ekologııalyq zań buzýshylyqtarǵa resmı baǵa berildi.
Tekserý barysynda Túımebaev aýylyndaǵy jer teliminiń ıesi aýmaqty óz betinshe tegistep, ózenniń tabıǵı arnasyn ishinara jaýyp tastaǵany anyqtaldy. Mundaı áreketter ózenniń tereńdigi men aǵysyn ózgertedi, al bul óz kezeginde ekojúıege jáne jergilikti turǵyndardyń qaýipsizdigine qaýip tóndiredi.
Ashybulaq okrýgi ákimdiginiń málimetinshe, jer ıesi ekologııalyq normalardy buzǵany úshin birneshe ret ákimshilik jaýapkershilikke tartylǵan. Osy jyly Almaty oblysy boıynsha ekologııa departamentiniń tekserisi nátıjesinde oǵan 275 myń teńge kóleminde aıyppul salynyp, zań buzýshylyqtardy joıý týraly nusqama berilgen. Alaıda bul talap áli kúnge deıin oryndalmaǵan.
Soǵan qaramastan, prokýratýra aýyl ákimi Bahtııar Qasymbekke de ákimshilik aıyppul salǵan. Qadaǵalaý organy ony ýaqtyly áreket etpedi dep tanyǵan. Ákimniń ózi bul sheshimmen kelispeı, sotqa shaǵymdanýǵa nıetti. Sebebi dál onyń bastamasymen bul másele alǵash kóterilip, oblystyq deńgeıge jetkizilgen.
«Tabıǵı aýmaqtardyń lastaný faktileri nazardan tys qalmaıdy. О́zen arnasyn qalpyna keltirý jáne tártip ornatý jumystary jalǵasyp jatyr. Ákimdik tarapynan baqylaý kúsheıtiledi», – delingen Ashybulaq aýyldyq okrýgi ákiminiń apparatynda.
Qazirgi tańda barlyq qujattar Balqash-Alakól basseındik ınspeksııasyna, Ekologııa departamentine jáne Almaty oblysy boıynsha jer resýrstaryn basqarý departamentine joldanǵan.
Tereńqara ózeni – Kishi Almaty ózeniniń sol jaq salasy, ol Qapshaǵaı sý qoımasyna quıady. Ashybulaq aýyldyq okrýgi aýmaǵynda ózenniń uzyndyǵy shamamen 17 shaqyrym, al sý qorǵaý aımaǵynyń eni – 120 metr. Ekologtardyń aıtýynsha, ózen arnasyna kez kelgen aralasý tabıǵı tepe-teńdikke aıtarlyqtaı zııan keltirýi múmkin.
Almaty oblysy.
