Soltústik Qazaqstanda qar tazalaıtyn tehnıkalar kóbeıdi

PETROPAVL. 19 aqpan. Soltústik Qazaqstanda qar tazalaý jumystaryna oblystyq qazynadan 230 mıllıon teńge bólindi. Bul týraly tótenshe jaǵdaılar jónindegi departamenttiń baspasóz qyzmeti habarlady. Búginde eki myńnan astam qutqarýshy, 1250 tehnıka, 315 jylytý qosyny qysqy maýsymǵa tyńǵylyqty daıyndyqtarmen kirisip, tótenshe jaǵdaılardy boldyrmaýdyń sharalaryn jan-jaqty qarastyryp keledi. Bıyl oblysta qar óte qalyń. Sarshunaq aıaz ben doly boran saldarynan shalǵaıdaǵy eldi mekenderdiń qar qursaýynan shyǵa almaı qalatyn kezderi kezdesedi. Tabıǵattyń tosyn «minezderine» baılanysty keı aýdandarda tótenshe jaǵdaı jarııalandy. Osyndaı qıyndyqtardy eskergen bolý kerek, Tótenshe jaǵdaılar jónindegi mınıstrliktiń sheshimine sáıkes oblysqa 2 shnekorotor, 3 býldozer men 3 avtogreıder tehnıkalary berildi. Olar aýdandarǵa jiberilip, jer-jerlerde jedel áreket etý otrıadtary quryldy. О́mir Esqalı. Derek: Soltústik Qazaqstan oblystyq tótenshe jaǵdaılar jónindegi departamenttiń baspasóz qyzmeti. Sýret: akimsemey.gov.kz.